الساحل في الخريف: أجواء مختلفة وحاجات نعملها بعد زحمة الصيف

جملة غريبة مش متعودين نسمعها صح؟ متعودين إن الساحل يعني صيف وبحر وشمس الصبح وسهر وحفلات بالليل، بس ليه مافكرناش إننا ممكن نستمتع في الساحل في وقت مختلف من السنة يبقى له مميزات تانية كتير عن الصيف، بعد الزحمة وأجازات الصيف والشهور اللي كانت بتوصل الأجازات فيها لأكتر من أسبوع متواصل، فطبيعي كنا بنلاقي كل المصايف زحمة وخصوصًا الساحل. أما في الجو اللطيف بتاع الخريف واحنا لسه مادخلناش في الجد بتاع الشتا، لسه في نسمة هوا خفيفة وشمس نستمتع بها مع سحب خفيفة وضل، في مكان هادي غير اللي متعودين عليهم في الخريف زيّ دهب، تعالوا نعرف ممكن نعمل إيه في الساحل بعد موسم الصيف. ونشوف الأماكن الجديدة اللي تم بنائها في مدينة العلمين الجديدة وماينفعش تفوتوها.

عن: pikist

الاستمتاع بالبحر الصبح في هدوء بعد زحمة الصيف، جو مميز هيخليك تقضي وقت باستجمام ماشوفتوش طول الصيف، الساحل يعتبر الوجهة المثالية للناس اللي بتحب السهر والحفلات، لكن خلاص موسم السهر والحفلات والأنشطة دي بنودعه دلوقتي وقضينا فيه وقت كبير استمتعنا بكل الحاجات دي، لكن دلوقتي ده الوقت المفضل في السنة لهدوء أكتر وحاجات نعملها مع أصحابنا وأهلنا، وكمان استجمام مع نفسنا واستمتاع بجو الخريف اللي ممكن نستغله في إننا نفصل من كل الزحمة اللي فاتت دي، وممكن نرجع لحاجات كنا بنعملها زمان ونفتكر أيام وذكريات جميلة ونعيشها مرة تانية زيّ:

حفلة bbq

عن: fustany

وقت مناسب ولطيف إننا نتجمع مع أصحابنا ونسافر ونتلم حولين حفلة شواء لذيذة نستمتع فيها بوقتنا مع أصحابنا أو أهلنا ببساطة.

قراية كتب

وأنت على البحر، أو في البلكونة في الهدوء، وقت مميز لإنك تقرأ كتاب جديد من أي نوع أنت بتحبه، كل أنواع الكتب هتكون مناسبة للقراءة في أجواء مميزة وهادية وساحرة زيّ دي.

أما في مدينة العلمين الجديدة، اللي بتتم فيها الاستثمار علشان تكون أهم مقصد سياحي حاليًا، وبتركز على سياحة اليخوت بالذات، ماينفعش نِفَوت فرصة فسحة زيّ دي في جو لطيف بين الدفا والهوا الخفيف، واحنا بنتفسح في يخت في واحدة من أجمل المدن في مصر.

غير ده، العلمين الجديدة بتقضي على أسطورة إن الساحل 3 شهور الصيف بس، لإنها مدينة متكاملة بيتم فيها بناء جامعة أهلية وأكاديمية بحرية ومدارس خاصة ومستشفيات، ده غير المولات التجارية وإنشاء هايبر ماركت. وبما إن التخطيط لجعل العلمين الجديدة مدينة عالمية، تم الاهتمام بالجانب الترفيهي كمان، فبيتم بناء مدينة ثقافية، بتضم أوبرا ومسرح روماني، ومجمع سينيمات وكافيهات وفندق ومسجد وكنيسة وممشى ترفيهي. كل ده بيؤهلها تكون مدينة سكنية متكاملة مش مجرد فسحة في الصيف وبعد كده تتنسي.

آخر كلمة: ماتفوتوش قراءة: مشروع جديد: أول قطار سريع في مصر من العلمين للسخنة

تعليقات
Loading...
Tweet
Share
Share
Pin