مشروع جديد: أول قطار سريع في مصر من العلمين للسخنة

0

بعد مشاورات مع 9 شركات عالمية، تم الإعلان عن مشروع مواصلات جديد في مصر هينقل شكل حركة التنقلات نقلة جذرية، وهو أول قطار سريع في مصر.

المشروع هيكون قطار سريع بطول 543 كم، وبسرعة 250 كم في الساعة، وتكلفته هتكون 9 مليارت دولار. وبعد منافسة ما بين الشركات على حقوق التطوير، كسب التحالف فنياً شركة CECC، وشركة CRCC من الصين، وسامكريت والهيئة العربية للتصنيع، وبكده هيكون ليهم حق تنفيذ مشروع القطار السريع اللي هيكون من العين السخنة للعلمين، وهيمر من خلال العاصمة الإدارية الجديدة، و6 أكتوبر، وبرج العرب، والإسكندرية، وده هيساعد التنمية في مصر، لأن عملية نقل الركاب والبضائع هتكون أسهل وأسرع.

عن: mubasher

تم تشكيل لجنة عليا من وزارة الإسكان، ووزارة النقل لفحص العروض، وتم الإتفاق على تحالفين لتطوير المشروع، التحالف الأول بيتكون من CCECC، وCRCC، وسامكريت والهيئة العربية للتصنيع، والتحالف الثاني فيه الشركات دي: إيفك، وChinastate، وCREC من الصين، وسيمنز الألمانية، وسكك حديد فرنسا، وأوراسكوم، والمقاولون العرب.

القطار هيربط بين البحر الأحمر في السخنة، والبحر الأبيض في العلمين في خلال 3 ساعات بس، وخط المشروع متقسم لـ 3 قطاعات، القطاع الأول هيربط العاصمة الإدارية الجديدة بمدينة 6 أكتوبر بطول 122 كم، والقطاع التاني هيربط مدينة 6 أكتوبر بالعلمين بطول 221 كم، واللي هيعدي من مطار برج العرب، والقطاع التالت هيصل طوله لـ 244 كم في مدينة برج العرب، وهتتفرع منه وصلة للأسكندرية بطول 46 كم، وهيربط العاصمة الإدارية بميناء العين السحنة بطول 92 كم.

صرح المهندس شريف نظمي، الرئيس التنفيذي، والعضو المنتدب لشركة سامكريت أنه سعيد بقبول العرض، وأن المشروع ده يعتبر خطوة كبيرة في مصر، لأنه هيدخلها نادي الدول اللي بتستخدم القطارات السريعة، وكان قال أن في اتفاق مع الشريك الصيني على التصنيع المشترك للعربيات في شرق بورسعيد من خلال شركة نيرك.

آخر كلمة: الطرق والمواصلات في مصر في تطور واضح، شاركونا اذا كنتم حاسسين بالتطور ده ولا لا؟

تعليقات
Loading...