في الويك إند دايمًا بنبقى عايزين نفصل من اللي حصل في الأسبوع وضغط الشغل أو الدراسة مع صحابنا وبنقعد ندور نروح فين؟ وغالبًا دي بتبقى أصعب مرحلة في الخروجة وهي اختيار المكان، بس إحنا في سكوب إمباير قررنا نساعدكم تختاروا مكان تريحوا فيه أعصابكم وتسمتعوا بمنظر النيل الجميل الصبح، والألوان الجميلة بليل، فدول أماكن على النيل للخروجات في الويك إند.
حلاوة وزعتر
في أحلى من فطار الصبح كده وكمان قدامك النيل؟ حاجة تفتح النفس وتغيرلك موود اليوم وتريح شدة أعصاب الأسبوع كله، وموجود في شارع الملك عبد العزيز آل سعود بالمنيل.
Nile lounge boat
مجمع مطاعم وكافيهات على النيل، للناس الرايقة اللي بتحب القعدة على النيل بليل في يخت حلو جدًا، وكمان هتطلع بصور كتيرة حلوة جدًا، وده في شارع عبدالعزيز آل سعود بالمنيل.
بيت الخيمة فرع كورنيش النيل
عن: فيسبوك 
عن: فيسبوك
أوقات كتيرة بنبقى عايزين نقعد في مكان الديكور فيه على شكل القعدة العربي زيّ اللي بتبقى في الصحرا، فتخيل تبقى القعدة كده وكمان على النيل؟ حاجة فوق العظمة مش كده؟ ودا بقى موجود في بيت الخيمة فرع كورنيش النيل في الجيزة.
Blue Blue
هو مجمع كافيهات ومطاعم، في شارع عبد العزيز آل سعود بالمنيل، ويمكن من أحسن الأماكن اللي تقدر تروحها مع صحابك لإن في كذا أوبشن، مطاعم أكل وممكن تحلي وبعدين تقعد تشرب حاجة في أي كافيه، وكمان بليل ساعات بيبقى في حفلات.
فيلا R&J
عن: فيسبوك 
عن: فيسبوك
ودي فيلا من 3 أدوار بفيو على طول على النيل، والأكل هناك كله إيطالي بطعم شرقي، وهي موجودة على كورنيش المعادي.
Nile Lily
مركب فيه كذا مطعم موجودين فيه، وممكن تحجز جولة في النيل على يخت مخصوص من خلال المطعم اللي هتختار تقعد فيه، وهو موجود في المنيل.
Le Pacha Boat
ودي عبارة مركب على النيل في الزمالك، والأكل فيه حلو جدًا، ومكان بيبقى أحلى طبعًا بليل مع شكل النيل، هتنبسط انت وصحابك.