أعلنت إمارات لوتو في سحبها اللي تم يوم السبت اللي فات عن فوز إثنين من المشتركين بجائزة مليون درهم إماراتي، وده بعد ما تطابقت خمسة من أرقامهم اللي من أصل ستة مع الأرقام اللي تم سحبها.
الفائزان هما كيكيري علي عبد المنير، ونيلسون يسوداس وهما الإثنين بالصدفة جنسيتهم هندية. وبالنسبة للمليون درهم اللي هيتقاسموهم بالتساوي، فكيكيري، وهو أب لطفل واحد وعنده 35 سنة، كان بيزور الإمارات وقت الاشتراك في المسابقة، وعلق على فوزه بفرحة شديدة، وقال إن دي المرة الأولى في حياته اللي يفوز بجائزة.
أما نيلسون يسوداس فهو عنده 29 سنة، وبيشتغل في دبي كمدير تنفيذي للمبيعات، وقال إنه بيشارك بشكل منتظم في سحوبات إمارات لوتو من أول إطلاقها، وعمره ما شارك قبل كده في أي سحوبات تانية غيرها.
إمارات لوتو هو أول مشروع رقمي متكامل في المنطقة العربية لجمع القطع التذكارية مع سحب اختياري للفوز بجوائز قيمة، المشاركة في السحب بتتطلب 35 درهم إماراتي بس، والمشتركين عندهم الفرصة إنهم يشتروا القطع التذكارية ويختاروا الأرقام اللي هما عاوزينها من مكانهم في بيتهم عن طريق موقع المشروع الإلكتروني المتاح باللغتين العربية والإنجليزية، أو الأبليكيشن المتاح على كل أنواع الهواتف الذكية.
السحب الجاي هيكون يوم السبت 11 يوليو الساعة 9:00 بليل، ويمكن لأي شخص بيزيد عمره عن 18 سنة في الإمارات العربية المتحدة أو من أي حتة تانية في العالم إنه يشارك في المشروع ده ويدخل السحب على جوائز كتيرة قيمة وملايين الدراهم الإمراتية.