في موسم الشتاء: ازاي نتجنب خطر حوادث وحرائق الدفايات الكهربائية

في موسم الشتاء الفترة دي، البرد مش عادي! فالجو يتقال عليه كلمة “سقعة” مش مجرد “برد”. الواحد بقى قاعد جوا البطانية ومش متخيل الحياة براها ممكن تبقى عاملة ازاي. ولإن كمان البطانية لوحدها مابقتش كفاية فبقى ناس كتير بتلجأ للدفايات في البيوت أو حتى أماكن العمل علشان يقللوا شوية من البرد. ولكن للأسف استعمال الدفايات في أحيان كتير بيكون خطر وممكن يسبب كوارث زيّ حوادث الحريق أو الاختناق أو يتسبب في ماس كهربائي. علشان كده، دي أهم الحاجات اللي لازم ناخد بالنا منها أثناء استعمال الدفايات لتجنب أي حوادث.

  • وضع الدفاية في مكان مرتفع عن سطح الأرض، وتجنب وضعها في أماكن مغلقة.
  • عدم توصيل الدفاية في مشترك علشان نتفادى خطر حدوث ماس كهربائي.
  • عدم وضع الدفاية بجانب ملابس أو سوائل أو أي مواد قابلة للاشتعال.
  • تجنب تشغيل الدفاية لفترات طويلة متتالية.
  • فتح الشبابيك وتوفير تهوئة مناسبة أثناء تشغيل الدفاية.
  • تجنب فتح الدفاية وتركها أثناء النوم.
  • عدم استخدام دفايات مجهولة الماركة.
  • تنظيف الدفاية بشكل دوري.

من المهم جدًا استخدام الدفاية بحذر وعدم الإفراط في استعمالها في موسم الشتاء. لإننا للأسف في قت الجو السقعة ده من السنة، بنسمع عن حوادث حريق واختناق كتير بسبب عدم استخدام الدفايات كما يجب.

آخر كلمة: ماتفوتوش قراءة: “محاربة الاكتئاب الشتوي: أكلات هتساعدك تحسن مزاجك في الشتاء” …

تعليقات
Loading...
Tweet
Share
Share
Pin