أكدت مجلة (بلومبيرج) إن مصر أعلنت اهتمامها باستخدام العملة الهندية (الروبية) في التجارة، وده بعد ما أعلن وزير التجارة الهندي إن نيودلهي هتسمح للدول اللي بتعاني من شح الدولار باستخدام الروبية.
وهيساعد استخدام الروبية في التبادل التجاري على حماية البلاد اللي عندها نقص في الدولار من “الكوارث” اللي بتسببها السياسة النقدية المتشددة لمجلس الاحتياطي الفيدرالي الأمريكي، حسب تصريحات وزير التجارة الهندي سونيل بارثوال.
وقال وزير التموين المصري علي المصيلحي الشهر اللي فات، إن مصر بتدرس بالفعل تبادل التجارة مع الصين والهند بالعملات المحلية، في نفس الوقت اللي بتحاول فيه استخدام الروبل الروسي والجنيه المصري في التبادلات التجارية.
بتيجي الخطوات الأخيرة من ناحية الهند في محاولة لاستخدام الروبية بشكل واسع في التجارة الدولية، علشان تقلل الطلب على الدولار، وتحمي اقتصادها من الصدمات الاقتصادية العالمية.
وقال المسؤولين، إن روسيا ومجموعة من الدول في إفريقيا ومنطقة الخليج بيفكروا في استخدام الروبية في التجارة مع الهند.
وبتحاول مصر وروسيا والهند النهارده استبعاد الدولار من التعاملات التجارية بينهم، وبتدرس مصر مع روسيا سياسة تبادل السلع، فتستورد مصر القمح الروسي مقابل تصدير البرتقال، على حسب تصريح وزير التموين المصري.