عانت الإعلامية ريهام سعيد من أزمة صحية دخلت بسببها العناية المركزة بأحد المستشفيات لتلقي العلاج. فصرحت ريهام سعيد من خلال بوست نشرته على صفحتها الرسمية على انستجرام، إنها أصيبت من أسبوعين بفيروس كورونا وإن الرئة تأثرت من المرض وعلشان كده تم نقلها للمستشفى. وبما إن المرض ده مش سهل، فاتكلمت أكتر عن مشاعرها بعد إصابتها بالمرض، وبسبب الأزمات اللي اتعرضت لها مؤخرًا، حبِت إنها تعبر عن رأيها ومشاعرها أكتر.
“إحساس غريب وأنت عندك حاجة مميتة بتراجع نفسك كتير وتحاسب نفسك كتير، أكيد غلطت لكن عمري ما قصدت، كان دائما الغرض نفع الغير وإظهار الحقيقة. شكرا يا رب على حبك لي وشكرا على ابتلائك الكتير اللي بتدل على اهتمامك بي.. إذا كانت دي النهاية يا رب أحسن خاتمتي واحسب لي كل عمل عملته لوجهك الكريم يا رب، أنت الوحيد اللي عارف أنا عملت إيه وكانت نيتي دائما إيه.. استحملت وصبرت على افتراء وظلم كتير”
وقالت كمان “نصيحة لكل واحد بيهاجم مشهور أو ناجح، أنت بتاخد ذنب رهيب انتوا بتاخذوا من أعصابنا وصحتنا وكله على باطل، خلوا بالكوا الأذية دي وحشة اوي وهاتقعد لك في أعز ما عندك، أرجو الدعاء بالخير ليّه، أيًّا كان هو ايه”
آخر كلمة: بنتمنى لها الشفاء التام. وماتفوتوش قراءة “بعد إعلان إصابة شريف مدكور، ازاي نفرق بين كورونا و فيروس A؟” …