بعد أحداث كتير في العائلة المالكة في بريطانيا وتخلي الأمير هاري وزوجته ميجان عن واجباتهم الملكية وانفصالهم عن العائلة المالكة ومغادرتهم القصر، واستقلالهم بالعيشة في كاليفورنيا، أحداث كتير شوفناها في الفترة اللي فات لكن من غير أي تعليق من الأطراف دي، لحد ظهور هاري وميجان في مقابلة تلفزيونية مع المذيعة أوبرا وينفري، وكلامهم عن اللي حصل معاهم من العائلة وأسباب انفصالهم عنها، العرب اهتموا جدًا بالموضوع وبقى تريند على صفحات السوشيال ميديا وكمان برامج التلفزيون، وطبعًا إحنا مش بنفوت موضوع من غير ما الناس تحط فيه التاتش بتاعها وتقول رأيها ووجهة نظرها، فتعالوا نشوف إزاي كانت ردود الأفعال في العالم العربي على اللي دار في المقابلة التلفزيونية الأخيرة للأمير وزوجته.
أهم الحاجات اللي اتقالت في المقابلة باختصار كانت: الكلام بعنصرية وقت حمل ميجان في طفلها الأول، عن لون بشرته، وتدهور الصحة النفسية لميجان لدرجة إنها كانت بتفكر في الانتحار، وعن علاقة هاري بوالده الأكبر تشارلز اللي بقت متدهورة، وعن مفاجأة جوازهم قبل حفل الزفاف الملكي بـ 3 أيام، إيه كانت تعليقات الناس على المقابلة؟
وبين التعليقات دي، ناس تخيلت كمان سيناريوهات لحياة هاري وميجان في السنين الجاية بشكل كوميدي.