4 منتخبات عربية في كأس العالم 2022

لحد دلوقتي، 4 منتخبات عربية حجزوا مكانهم في أكبر بطولة عالمية لكرة القدم، 4 منتخبات هتشق طريقها لكأس العالم 2022 اللي هيتم إقامته في قطر، وده كمان حدث استثنائي لإنه لأول مرة يتم استضافته في دولة عربية. ورغم عدم توفيق المنتخب المصري في الصعود لكأس العالم، لكن احنا متفائلين بوجود دول عربية، ومستنيين نتفرج على كرة قدم ممتعة للمشاهد. إيه هي الدول العربية اللي اتأهلت لكأس العالم السنة دي، وإيه تاريخ كل دولة مع كأس العالم؟

قطر

المنتخب اللي بلده هتستضيف البطولة، علشان كده المشاركة في كأس العالم 2022 مميزة لدولة قطر، ومستنيين إن ده يكون سبب ودافع قوي للاعيبة إنهم يقدموا مهارات وماتشات ماتتنسيش، خصوصًا إن دي كمان المرة الأولى للمنتخب القطري في التأهل لكأس العالم.

تونس

للمرة السادسة، منتخب تونس اتأهل لكأس العالم 2022، بعد تاريخ مميز في كأس العالم بالتأهل بداية من نسخة 1978 في الأرجنتين، و سنة 1998 في فرنسا، و2002 في اليابان، و2006 في ألمانيا، وبعد كده في آخر نسخة من المونديال سنة 2018 في روسيا. مستنيين نشوف كتير من المنتخب التونسي اللي اتعودنا منه على مهارات مميزة في كرة القدم.

السعودية

عن: almowaten

للمرة السادسة كمان، منتخب المملكة العربية السعودية له تاريخ مع كأس العالم، بداية من 1994 واتأهل وقتها لثمن النهائي، وسنة 1998 وسنة 2002 وسنة 2006 وكمان 2018، لكن في السنين دي كان بيخرج من دور المجموعات، والسنة دي مستنيين منهم إنجازات جديدة.

المغرب

“أسود الأطلس” زي ما بيتقال عليهم، اتأهلوا قبل كده 5 مرات للمونديال، ودي السادسة، بدايتهم مع المونديال كانت في 1970 وآخرهم في 2018، بمعدل مشاركات 16 مباراة.

آخر كلمة: ماتفوتوش قراءة: العرب في كأس العالم للأندية: الأهلي الأكتر مشاركة.. والعين والرجاء أحسن مركز

تعليقات
Loading...
Tweet
Share
Share
Pin