اللي هينيّم بوشينكي من المغرب، محمد هنيدي اعلن عن المفاجأة اللي كان بيحمس جمهوره ليها بقاله فترة على السوشيال ميديا، باعلان مشاركته بصوته في لعبة ببجي موبايل اللي بيفضلها معظم الناس بكل الأعمار، ومن وقتها الناس اتحمست جدًا تلعب اللعبة بصوت وإفيهات هنيدي، وبدأوا بالفعل يعملوا ميمز ويتخيلوا اللعب هيكون إزاي بتعليقات هنيدي المميزة في أفلامه اللي بقت إفيهات بنقولها يوميًا، مشاركة هنيدي في اللعبة هتبتدي في عيد الفطر، متحمسين نلعب واحنا سامعين إفيهات هنيدي، تعالوا نشوف شوية منهم.
حتى هنيدي نفسه سبق الكل وعمل الكوميكس.
تعاون هنيدي مع ببجي هيكون عن طريق مشاركته بمقاطع صوت اتعملت مخصوص للعبة ببجي موبايل، وهتكون متاحة للاعبين فيها إنهم يدوا أوامر جوا اللعبة لزمايلهم في الفريق باستخدام صوت وأسلوب هنيدي اللي مشهور بيهم، والمقاطع الصوتية دي هتكون متاحة في عيد الفطر، ولكن للأسف إنها هتكون لفترة محدودة بس.