شركة الاتصالات السعودية STC أجلت عملية الاستحواذ على فودافون مصر لمدة شهرين

شركة الاتصالات السعودية STC أعلنت عن مد مذكرة التفاهم مع مجموعة فودافون بالاستحواذ على حصتها في شركة فودافون مصر لمدة 60 يوم، وأعلنت STC في بيان موجه للبورصة السعودية يوم الأحد بإنه تم مد الفترة اللازمة للاستحواذ وده لإن الإجرائات المرتبطة بالصفقة محتاجة تتأجل وده بسبب جائحة “كوفيد-19” وما نتج عنها الفترة اللي فاتت من إجرائات احترازية شلت حركة الاقتصاد في معظم دول العالم.

في يناير 2020، أعلنت كل من شركة الاتصالات السعودية STC ومجموعة فودافون العالمية إنهم وقعوا مذكرة تفاهم فيها استحوذت الأولى على حصة فودافون العالمية اللي حجمها 55% في شركة فودافون مصر، واحدة من أربع شركات اتصالات في السوق المصري.

عن AFP.

ومن 3 شهور في أبريل، أعلنت STC عن مدة مذكرة التفاهم لمدة 90 يوم وده كان برضه بسبب التداعيات الاقتصادية اللي كان العالم بيمر بيها في الوقت ده. دلوقتي من الواضح إن عملية الاستحواذ هتتم بشككل كامل في شهر سبتمبر 2020، لو مجدش أي تطورات في حالة الاقتصاد العالمية.

في حال اتمام الصفقة، STC هتشتري حصة فودافون العالمية في فودافون مصر بـ 2.4 مليار دولار، المبلغ الليي بيعادل 38.5 مليار جنية مصري.

آخر كلمة: متفوتش قراءة: السعودية وخطة سداسية للنهوض بالاقتصاد!

تعليقات
Loading...
Tweet
Share
Share
Pin