بواسطة ماهينور ابوالعطا.
في سنة ١٩٩٧ قيمت منظمة اليونسكو حدود القاهرة التاريخية المعروفة دلوقتي بأسماء كتير منها “جبانة المماليك” و”صحراء المماليك” و”صحراء قايتباي”، وبتعتبر المنطقة دي من أهم المناطق التاريخية لأن فيها كتير من التراث والآثار الإسلامية المتنوعة؛ “جبانة المماليك” فيها أكتر من ٣٠ مسجد مختلفة الاشكال من أشهرها مسجد قايتباي ومسجد قرقماس. من ٧٠٠ سنة إتخذ المماليك شرق القاهرة -تحت جبل المقطم- مقر لتأسيس حضارتهم وبدأوا في بناء البيوت والمساجد والمقابر في بداية القرن الـ ١٥.
دلوقتي في القرن الـ ٢١، توسع السكان بشكل سريع بقى جزء من المشاكل اللي بتواجهها البلد، وعشان السبب ده بدأت الدولة في مشاريع كتيرة لتوسيع الطرق، ومن أخر المشريع دي هو مشروع إنشاء محور الفردوس اللي مكانه على حدود القاهرة التاريخية.
وبالفعل بدأ الهدم في منطقة مقابر المماليك مما أغضب الكثيرين على مواقع التواصل الاجتماعي، وعشان السبب ده صرح أسامة طلعت رئيس قطاع الآثار الإسلامية والقبطية واليهودية بإن المقابر اللي تم هدمها ليست مسجلة كآثار إسلامية وانما هي مقابر خاصة، وبالرغم من كده شكل الأمين العام للمجلس الأعلى للآثار لجنة لتقييم الأحجار ولو في حاجة ممكن تتعرض كجزء من تراث مصر هيكون فيه خطة لنقلها لمتحف.
آخر كلمة: متفوتوش قراءة: بعد آخر اكتشاف بالأسكندرية، مصر خطوة أقرب من إيجاد مقبرة كليوباترا وأنطونيوس.