قرية مطماطة موجودة في تونس في الجنوب الشرق، غرب مدينة قابس، والقرية دي مبنية تحت الأرض، فالهياكل النموذجية للقرية اتبنت عن طريق حَفر حُفرة كبيرة في الأرض، وحوالين محيط الحفرة دي، في كهوف بيتم استخدامها كغرف، وكمان في بيوت بتضم حُفر كتيرة وبيربط بينهم ممر تحت الأرض بيسموه “السقيفة”.
المنطقة دي من أكتر الوجهات المشهورة في العالم العربي وفي تونس لإن هو ده المكان اللي اتصور فيه أفلام السلسة الشهيرة “ستار وورز” أو “حرب النجوم”، فده كان موقع بيت أسرة “لارس”، اللي كان منهم “لوك سكايووكار” واللي بيكون واحد من أبطال السلسلة، وكمان الموقع ده بيدور فيه مهمة من مهمات لعبة “كول أوف ديوتي” الجزء التاني الشهيرة “Call of duty 2”.
اسم القرية الأمازيغي هو “أتوب” ومعناها “أرض السعادة الهناء”، وفي أقاويل بتحكي إنها اتسمت مدينة مطماطة على اسم قبيلة أمازيغية قديمة ماقدرتش تقاوم جحافل بني هلال فهاجروا للمنطقة دي وحفروا بيوتهم علشان يتأقلموا مع المناخ الجوي.
