بمعنى مختلف خالص عن اللي متعودين عليه إن دايمًا كلمة “تحت الكوبري” دي معناها مش حلو أو بتدل على عدم النضافة وبتتقال كشتيمة، دلوقتي الناس قررت تستغل ده في حاجة مفيدة تغير النظرة دي عن مكان ممكن نستغله لفايدة للناس وللبيزنس، وكمان ساعد في ده إن الكباري نفسها اتطورت وشكلها جديد ونضيف، كافيهات ومطاعم كتير فتحت في أماكن تحت الكباري في مصر الجديدة وفي مدينة نصر، لو بتفكر في خروجة مختلفة للويك إند، جرب قعدة الكافيهات دي وقولنا إيه رأيك، وجبنالك كذا مطعم وكافيه علشان تختار منهم الأنسب والأقرب ليك.
ترويقة
فطار رايق، لبناني وعالمي كمان، وبأسعار بسيطة عن باقي المطاعم في أي مكان، موجود في شارع الميرغني في مصر الجديدة.
رصيف منعم
أكل، وشرب، وفرجة على الماتشات، كل ده تقدر تعمله في رصيف منعم، موجود تحت كوبري الفنجري قدام قاعة المؤتمرات، وتقدر تشوف المنيو وكل حاجة موجودة على صفحتهم على الفيسبوك.
Fleurie Lounge
في شارع الفنجري، قعدة حلوة وأكل وشرب وشاشات عرض، والأسعار بتختلف، ومفتوح 24 ساعة، وتقدر تشوف المنيو على صفحتهم على فيسبوك.
Bakery House
بيتزا الصور بتتكلم عنها، والمكان في الصور باين شكله، وموجود في ميدان سفير، شوفوا المنيو على صفحتهم على فيسبوك.
Pistachios
مطعم وكافيه، وكمان عندهم ألعاب زيّ الكوتشينة والطاولة، يعني خروجة أكل وشرب وكمان لعب مع صحابك.
Amy Lounge
تحت كوبري الميرغني في مصر الجديدة، مشروبات وأكل ومخبوزات وكمان مزيكا بتتلعب قدامك لايف على البيانو.
Eighty Six
موجود تحت كوبري الميرغني، أكل وشرب وسط الورد وفي الشارع.