من كاملة أبو ذكري لتامر حسني.. ازاي النجوم دعموا شريف الدسوقي “سبعبع”؟

بعد الخبر المحزن اللي كلنا سمعناه امبارح وهو بتر قدم الفنان شريف الدسوقي “سبعبع” بسبب ظروف صحية ولإنقاذ حياته في المقام الأول، حصل تفاعل كبير على السوشيال ميديا بعد نشر الخبر بساعات، وكانت كل التعليقات بتاعة الجمهور مليانة حزن وأسى ودعم نفسي وتشجيع في نفس الوقت.

والنجوم والمشاهير والهيئات خدوا نصيب كبير من التفاعل وتقديم الدعم النفسي لـ “سبعبع” وعلى رأسهم المخرجة كاملة أبو ذكري، ده غير إن نقابة المهن التمثيلية شكرت الشركة المتحدة لإنها أعلنت إنها هتتكفل بعلاجه.

ده غير التسجيل الصوتي اللي اتعمل من أبطال مسلسل بـ 100 وش، أكتر من تسجيل مليان حب ودعم نفسي وتشجيع كبير وده أكتر حاجة هو محتاجها دلوقتي.

واتقال على لسان المخرجة كاملة أبو ذكري: “لما كنا بنصور بـ ١٠٠ وش .. في مشاهد حضور جميع الممثلين كتير كانوا بيحاولوا يظهروا بحركة أو بجمله زيادة، ودايمًا أستاذ شريف كان يقعد ساكت و يقف ورا”.

وأضافت “كنت أقوله حتى لو كنت في أخر الكادر ورا وساكت، القلب بيروحلك.. والعين شايفاك، كريم نادر مدير التصوير كان دائمًا يقول لي، شريف دسوقي مش محتاج نور هو منور لوحده، حضرتك موهبة و قلب نادر.. ربنا هيتم شفاك علي خير بإذن الله.”

أخركلمة: ماتفوتوش قراءة:بعد بتر قدمه، حاجات مانعرفهاش عن شريف الدسوقي “سبعبع

تعليقات
Loading...
Tweet
Share
Share
Pin