كل اللي محتاج تعرفه عن قانون التحرش الجديد

في فترة صغيرة شوفنا حوادث كتير عن التحرش والاغتصاب الزوجي، كان منها المستخبي وظهر للناس مع الدوشة دي، ومنها برضه اللي لسه مستخبي وخايفين يقولوه للناس، في الحالتين وبعد اللي حصل الفترة الأخيرة، والأذى النفسي اللي ممكن يتعرضله المجني عليه، البرلمان ماكانش قدامه غير حل واحد، وهو اجراء تعديل على قانون التحرش، وده لحماية المجني عليه في المقام الأول.

إيه هي تعديلات قانون التحرش؟

  • تشديد عقوبة التعرض للغير وتحويلها من جنحة لجناية، وده وفقًا للمادة “306 مكرر ب”
  • الجاني يتعاقب بالحبس لمدة تترواح ما بين “2-4” سنين، أو بغرامة ماتقلش عن 100 ألف جنيه، وماتزيدش عن 200 ألف جنيه، وممكن يبقى العقوبتين مع بعض، وده في حالة إن الجاني يتعرض للغير في مكان عام أو خاص ويستخدم إيحاءات وتلميحات جنسية، سواء بالإشارة أو بالكلام أو بالفعل، وعن طريق أي وسيلة سواء لاسلكية أو إلكترونية، وده وفقًا للمادة “360 مكرر أ”
  • وفي حالة إنه يتكرر الفعل مرة تانية، أو إن الجاني يلاحق المجني عليه، هيتم تغليظ عقوبة الحبس “3-5” والغرامة هتبدأ من 200 ألف وممكن توصل لحد 300 ألف.
  • ولو كان الجاني ليه سلطة وظيفية أو أسرية أو دراسية، سلطة تسهل عليه إنه يمارس أي ضغط عليه، أو إنه ارتكب الجريمة وهو شايل “سلاح”، في الحالة دي العقوبة هتبقى بالسجن لمدة ماتقلش عن 7 سنين، والغرامة بين 300-500 ألف جنيه، وده اللي نصت عليه الفقرة التانية من المادة “267” من قانون التحرش.
  • التحرش هيضم مواقع التواصل الاجتماعي، واللي يعتبر أكتر مكان بيتم التعرض فيه للإيحاءات والتلميحات الجنسية، وده طبعًا بعد تقديم الأدلة من المجني عليه.

أخر كلمة: ماتفوتوش قراءة: قانون مستقل لمنع الزواج المبكر وتغليظ عقوبة الختان.. قرارات جديدة تدعم حقوق المرأة

تعليقات
Loading...
Tweet
Share
Share
Pin