صلاح وليفربول: استمرار المفاوضات وبرشلونة خيار غير مطروح من الأساس

طول اليومين اللي فاتوا وقبلها لأسابيع، ظهرت تصريحات متضاربة بخصوص مفاوضات تجديد عقد محمد صلاح مع ليفربول.

اللي متابع كورة كويس، خصوصًا على مواقع التواصل الاجتماعي، هيكون عارف اسم الصحفي الرياضي الأشهر “فابريزيو رومانو” اللي أكد على حسابه في تويتر إن المفاوضات لسه مستمرة بين الجانبين.

رومانو أشار في الوقت نفسه للكلام اللي تردد خلال الفترة الأخيرة عن رغبة برشلونة التعاقد معه، وأكد إن برشلونة عمره ما كان خيار مطروح أصلًا لصلاح.

صحيفة “ميرور” وبداية الكلام حوالين موافقة صلاح

عن: eurosport

خلال الساعات القليلة اللي فاتت، خرجت صحيفة “ميرور” البريطانية وأكدت إن صلاح قرب كتير من التوقيع على عقد جديد مع “الريدز”، وعلى أساسه هيفضل معاهم لنهاية مسيرته في الملاعب.

الرواتب.. بداية الأزمة

رفض صلاح الشروط الجديدة لعقده مع ليفربول قبل كده واللي كان هيحصل بموجبها على 400 ألف إسترليني أسبوعيًا، وحاولت إدارة ليفربول الوصول لإتفاق مع محمد صلاح على مدار شهور وماحصلش بسبب الاختلاف في الراتب المالي؛ لإن كسر صلاح سقف الرواتب المالية بالفريق وده ممكن يخلق أزمة.

ورغم ظهور تقارير صحفية خلال الساعات الأخيرة بتقول إن محمد صلاح تراجع عن موقفه تجاه الراتب المالي وقرر الموافقة على عرض ليفربول، إلا إن “فابريزيو رومانو” نفى الكلام ده.

تصريحات كلوب

عن: mirror

مدرب ليفربول الألماني “يورجن كلوب” قال في تصريحات سابقة إن المحادثات الجارية عن تجديد عقد صلاح هتأثر على أداء الفريق، وبالتالي فرصه في الفوز بالألقاب. والتصريحات دي أربكت كتير من جماهير ليفربول ومحبيه والإعلام الرياضي لوقت طويل، والبعض اعتبرها إشارة لوجود أزمة حقيقية، ومنها أنتشر الكلام والمتابعة المستمرة القلقة حوالين استمرار صلاح مع ناديه.

آخر كلمة: ماتفوتوش قراءة: رئيس اتحاد الكرة عنده مفاجأة بخصوص ميعاد إعادة مباراة مصر والسنغال

تعليقات
Loading...
Tweet
Share
Share
Pin