ستات وبنات قدروا يعبروا عن أوجاعهم وأحلامهم بالرسم

من مميزات الفن إنه يعتبر وسيلة مشروعة تقدر تعبر بيها عن أي مشاعر ليك، سواء كانت مشاعر غضب أو مشاعر فرح، ومن غير ماتؤذي حد وأنت بتعبر عن مشاعرك، وفي نفس الوقت تقدر إنك تخرج كل الطاقة السلبية اللي جواك. غير إنك بتعبر بيه عن مشاعرك، الفن يقدر إنه يغير أفكار ويحارب تطرف وعنف بشكل راقي، الفن بقى على كل أشكاله اللي بيتقدم بيها، ومن ضمنها “الرسم”، ومع الأحداث اللي كانت بتحصل في الفترة الأخيرة، في ستات وبنات قدرت إنها تحول جزء من أحزانها لطاقة تتحول لعمل فني يفضل في الأذهان، ويسجل الأوجاع والأحداث.

دينا زيتون

فنانة جريت ورا شغفها وحلمها في الرسم، وفضلته على مهنة الطب واللي كان تخصصها، لقِت في الفن متعة مالقِتهاش في أي وظيفة تانية، وخصوصًا الفن الرقمي Digital Art، وأخدت اتجاه معين واللي ظاهر بشكل واضح في كل رسوماتها، وهو دعم قضايا المرأة، ومحاربة كل الأفكار المتطرفة والمسمومة في المجتمع، وكان من ضمنهم حملة مؤخرًا اتعملت عن قضية الاغتصاب الزوجي والتحرش والذكورة السامة والرجولة الهشة.

بنات من فلسطين بيقدموا رسومات من الأمل بتتحدى الدمار

على أنقاض المباني المدمرة في غزة، اختار بنات فلسطين إنهم يبعتوا رسائل برسوم الجرافيتي، بتعكس الإصرار على الحياة والأمل بالمستقبل. عايزين يوصلوا رسالة للعالم كله إنهم بيحبوا الحياة ومن حقهم إنهم يعيشوا في أمن وسلام واستقرار.

الفن وخصوصًا الرسم عنده القدرة إنه يلخص سطور طويلة ويحولها لألوان وخطوط، وبيوصل رسالة أكتر من الكلمات، علشان الصورة المرسومة دايمًا مفهومة وواضحة للناس كلها، ومش محتاجة لتفسير أو ترجمة.

أخر كلمة: ماتفوتوش قراءة: “تحدي الرسم لتمكين المرأة”: مبادرة جديدة من فنانين مصريين للتعبير عن المرأة المصرية

تعليقات
Loading...
Tweet
Share
Share
Pin