خمس طرق يمكن للشركات الاستفادة بيها من طاقة الرياح

من وقت انتشار فيروس كورونا في 2020، العالم بدأ أخيرًا فهم أهمية الحفاظ على البيئة، وبدأت دول كتير تدخل إصلاحات صديقة للبيئة، وده من خلال تمرير عدد من القوانين والتشريعات البيئية، وفي السنين اللي فاتت، تم طرح مواضيع زي مصادر الطاقة المتجددة زي طاقة الرياح والطاقة الشمسية في المناظرات والمناقشات الأكاديمية، وبكده، في الفترة الأخيرة حصل تحوّل جذري واضح في عقلية الناس، ودي خطوة مهمة.

وفي الظروف المناخية المتدهورة، بدأ مسؤولي الصناعة وأصحاب الأعمال يدركوا إنهم مسؤلين عن الصحة العامة للكوكب، وبدأوا في قبول حقيقة إن تغير المناخ ده واقع مخيف، وإنهم عندهم قوة هائلة لبناء مستقبل أفضل، وده من خلال التحول لمصادر الطاقة المتجددة زي الطاقة الشمسية وطاقة الرياح والطاقة الكهرومائية، وإن ده هو الطريق لمستقبل أحسن، علشان كده تعالوا نعرف أكتر عن فوائدها وإزاي ممكن تفيد الشركات والأعمال.

أولًا قبل ما ندخل في فوائدها، إيه هي طاقة الرياح أصلًا؟ هي عملية مبتكرة لاستخدام الرياح لتوليد الكهرباء من خلال توربينات الرياح، والتوربينات دي بتعمل وفق مبدأ أساسي، وهو استخدام قوة الرياح الشديدة لتدوير الشفرات حول عمود الدوران المتوصل بالعمود الرئيسي، وفي الآخر، لما بتكتمل كل الخطوات السابقة، بيقوم العمود ده بتدوير مولد لتوليد الكهرباء، وبكده، فهو مش بيستخدم الوقود الأحفوري في العملية دي كلها، وده بيؤدي لعدم وجود أي انبعاثات من الكربون أو انبعاثات الغازات الدفينة، وده اللي بيخليها مصدر طاقة صديق للبيئة، ممكن استخدامه في الصناعات المختلفة والشركات، علشان كدهن هنعرف طرق مختلفة ممكن تستفيد بيها الشركات من طاقة الرياح.

  • الكفاءة من حيث التكلفة: تركيب توربينات الرياح يبان إنه عملية مكلفة، لكن نظرًا لإنها مصدر متجدد للطاقة، فعلى عكس الوقود الأحفوري، الشركات مش هتكون مضطرة تنفق مبالغ كبيرة في إعادة شراء الوقود، بالإضافة لإن التوربينات الفردية بتتطلب الحد الأدنى من الصيانة، كمان تكاليف تشغيلها منخفضة، وبتوفر عائد ضخم على الاستثمار.
  • مصدر نظيف للطاقة: وده الهدف الأكبر للمحافظة على البيئة، على عكس استخدام النفط أو الفحم، فإن توليد الطاقة من الرياح مش بيتطلب أي مواد كيميائية مدمرة، وعلشان كده، طاقة الرياح بتقلل من اعتمادنا على الوقود الأحفوري من الدول الأخرى، وده بيعزز اقتصادنا الوطني وبيفسح المجال لمستقبل مشرق وأكتر صحة.
  • تعزيز العمالة والاقتصاد: من وقت ما بدأت توربينات الرياح تكون مُجدية تجاريًا، صناعة طاقة الرياح شهدت نمو سريع، وده بيسمح للصناعة بخلق فرص عمل جديدة في جميع أنحاء العالم، ودلوقتي لما الناس بقت تتبنى استخدام طاقة الرياح، أصبح في وظائف في التركيب والاستشارات في مجال طاقة الرياح وتصنيع وصيانة توربينات الرياح.
  • تعزيز العلاقات العامة: بصفتك صاحب مصنع أو صاحب عمل، فإنت هدفك تقنع عملائك إن مجموعتك ليها نظرة مستقبلية وبتراعي التطورات اللي بتحصل، فممكن اختيارك لاستخدام الطاقة المتجددة بدل من أشكال الطاقة التقليدية قرار يقنع عملائك باختيار خدامتك بدل من المنافسين
  • الحد من انقطاع الخدمة: بصفتك صاحب عمل، فأنت مسؤول عن ضمان حصول موقع عملك وموظفيك دايمًا على الطاقة والكهرباء، وفي الظروف الجوية السيئة، ممكن تنفذ الطاقة من موقعك، وده هيكلفك فلوس كتير، وعلى الرغم من إن توربينات الرياح بتعتمد برضه على الطقس، إلا إنها أكتر سهولة في التوزيع وأكتر استقرار من الوقود الأحفوري التقليدي، وفي معظم الحالات إذا خرجت إحدى الطواحين الأخرى هتعوض الضرر.

ومع ذلك، بمجرد ما تقرر استخدامها كمصدر للطاقة لتشغيل أعمالك، مهم إنك تتعاون مع مزود الخدمة المناسب اللي يتفهم الحاجة إلى مستقبل مُستدام. علشان كده، هيكون أحسن ليك البحث والتواصل مع فريق من المهنيين الخبراء اللي بيكون عندهم المعرفة والأدوات الكافية في مجال الطاقة المتجددة، وهيضمنولك تنفيذ عملية التركيب بامان وموثوقية.

آخر كلمة: ماتفوتوش قراءة: عالم الطاقة: أشياء يجب معرفتها حول مستقبل إدارة الطاقة

تعليقات
Loading...
Tweet
Share
Share
Pin