رسائل بي تك.. من السخرية لخطر اختراق بيانات العملاء

انتشر في اليومين اللي فاتوا رسائل نصية غريبة اتبعتت من شركة بي تك لعملائها، نشرها العملاء وعملت موجة من الضحك والسخرية الكبيرة على السوشيال ميديا وبقت تريند، من رسائل مضحكة لرسائل فيها شتايم كمان، والناس فضلت تسأل وتخمن، هل ده اختراق لنظام بيانات الشركة وحد بيبعت الرسائل دي، أو هو حد من الموظفين جوا الشركة نفسها ولسبب أو لآخر بيبعت الرسائل دي بدافع الانتقام مثلًا؟ تعالوا نشوف بعض من الرسائل اللي اتبعتت للعملاء وإيه اللي حصل بعدها والشركة رد فعلها كان إيه.

في البداية، الموضوع كان مضحك والناس نشرت الرسائل اللي اتبعتت ليهم، لكن بعد كده ابتدى الناس تاخد بالها من إن احتمال الرسائل دي تكون من شخص قدر يخترق نظام البيانات في الشركة، فده معناه إن بيانات العملاء كلها في خطر، وفيه حد قدر يخترق المعلومات دي وفيه احتمالية إنه يستغلها استغلال سيء لأي غرض، وانتشر بوست بيأكد الكلام ده وإن فعلًا الهاكر ده عرض البيانات للبيع.

لكن شركة بي تك طلعت في بيان رسمي واعتذرت عن اللي حصل وقالت إن الشركة بتحقق في الموضوع دلوقتي.

عملائنا الكرام نعتذر لسيادتكم عن وصول أي رسائل نصية غير مقبولة خلال الـ ٢٤ ساعة الماضية، جاري التحقيق في الواقعة.أنتم دائمًا محل اهتمامناخدمة عملاء بي.تك في خدمتكم على واتساب او-19966 لتلقي أي استفسار

Posted by B.TECH on Friday, January 15, 2021

آخر كلمة: ماتفوتوش قراءة: واتساب غيّر سياسته للخصوصية.. ده معناه إيه لينا؟

تعليقات
Loading...
Tweet
Share
Share
Pin