بعد أربع شهور.. فنانين بيحكوا معاناتهم من انفجار بيروت

بعد مرور 4 شهور على حادث مؤسف وكبير هز العالم كله، وأثر في العالم العربي كله، وهو انفجار عروس الوطن العربي بيروت، انفجار مرفأ بيروت اللي سبب خساير بشرية ومادية ونفسية كتير لأهالي لبنان، ولسه البلد بتحاول تتعافى من آثاره، ولسه الفنانين اللبنانيين بيحكوا عن تجربتهم في الحادث ده، وإزاي أثر عليهم وبيشاركونا كل المشاعر دي بعد وقت مش قليل حاولوا يتعافوا فيه من الآثار النفسية اللي سببها الحادث.

الممثلة اللبنانية نادين نجيم، اللي كانت يوم الحادث مش عارفين عنها أي أخبار لحد ما طلعت ليلتها طمنتنا عليها وعلى أولادها، ولكن الإصابات اللي تعرضتلها كانت خطيرة، وتجربتها في اليوم ده كانت مأساوية

وبعد الفترة دي، ظهرت نادين في برنامج بتحكي فيه عن التجربة بعد مرور شهور.

كمان الفنانة نور عريضة، اللي شاركت وقت الانفجار بفيديو لبيتها بيوضح إزاي تضرر من الانفجار وإزاي بنتها الصغيرة تضررت نفسيًا وبتتسائل هتصلح ده إزاي.

ودلوقتي بعد مرور الوقت ده عملت حلقة بتحكي فيها عن يوم الانفجار، وإزاي الفترة دي الوضع في طريقه للتغيير.

بنتمنى فعلًا الأوضاع تتحسن ويتعافى لبنان من كل آثار الكارثة دي اقتصاديًا وكمان في نفسية كل المواطنين اللي تأثروا باليوم ده ومش هينسوه، ونتمنى إنه على الأقل يكون يوم في ذاكرتهم بس بيفكرهم بقد إيه كان سبب في التغيير للأحسن، مش مجرد ذكرى سيئة، وبنتمنى مايتعادش تاني لا في لبنان ولا في أي بلد.

آخر كلمة: ماتفوتوش قراءة: الموضة ولبنان: سبع براندات عربية تدعم لبنان بعد كارثة انفجار بيروت.

تعليقات
Loading...
Tweet
Share
Share
Pin