باتمان في شوارع مصر للتوعية بالإجراءات الاحترازية

انتشرت الفترة اللي فاتت صور على السوشيال ميديا لشاب لابس بدلة باتمان بيتجول بعربيته في شوارع القاهرة، والناس صورته وشاركت الصور على المواقع وخدوها بهزار وماكناش عارفين إيه سبب ظهوره باللبس الكامل للشخصية وكمان العربية الخاصة بتاعته، دلوقتي عرفنا إنه شاب قرر يوعي الناس بضرورة المحافظة والالتزام بالإجراءات الاحترازية لمواجهة انتشار فيروس كورونا، إزاي ده حصل؟

عاجل يجماعه ظهور باتمان في الشيخ زايد قصدي في جوثام😂❤️

Posted by ‎صراااع الماضي والحاضر‎ on Monday, December 14, 2020

بعد الظهور الغريب ده، اكتشفنا إن ورا الموضوع ده باسم رؤوف، عمره 28 سنة، قرر يلف شوارع القاهرة بعربية باتمان وبيشاور للناس بسعادة ويتصور معاهم، وبسبب أحداث جائحة كورونا، قرر باسم إنه يوزع كمامات مجانًا على الناس في الشارع، ويكلمهم عن أهمية حماية نفسهم وغيرهم من الفيروس.

باسم اختار شخصية باتمان لحبه الشخصي ليه أولًا، وكمان لإنه شخصية محبوبة للأطفال والكبار، وده هيخليه يقدر يساعد في التوعية بشكل مقبول للناس وهتسهل عليه هدفه، خصوصًا إنه عايز يوصل للأطفال اللي بيحتاجوا قدر أكبر من التوعية دلوقتي، عن طريق إنه بيلف الشوارع بعربية أحلامه “عربية باتمان” وبينزل يوزع الكمامات على الناس.

آخر كلمة: ماتفوتوش قراءة: على عكس الاقتصاد العالمي.. مشاريع عملت ثروات من ورا كورونا

تعليقات
Loading...
Tweet
Share
Share
Pin