“الماء سر الحياة”.. هنعرضلكم مجموعة من فوائد المياه الصحية للبشرة

بواسطة فرح أشرف

الماء مهم جداً لصحتنا بشكل عام، وده بيرجع لكون جسمنا بيتكون من حوالي 70% مياه. وزي أي عضو تاني في جسم الإنسان، أنسجة البشرة بتتكون من أنواع كتيرة من الخلايا، والخلايا دي بتحتاج مياه بشكل كبير جداً علشان تحافظ على نضارة البشرة، وتشتغل بشكل صح.

 شرب كميات كبيرة من المياه بيساعد بشرة الإنسان إنها تكون مشرقة، وصحية، وبيحافظ على شبابها لأطول فترة ممكنة. وهو كمان بيساعد على تخليص الجلد من السموم الضارة اللي بيتبقى موجودة فيه، والسبب الرئيسي لجفاف وضعف البشرة هو عدم شرب كمية كافية من السوائل (المياه).

وبما إن الاختلاف في كمية المياه اللي بيحتاجها الجسم بيعتمد علي العمر، والجنس، واللياقة البدنية، كل انسان بيحتاج لشرب من 6 إلى 8 أكواب من الماء في اليوم للحفاظ على صحته بشكل عام، والرجال المفروض يشربوا حوالي 3 لتر من المياه يومياً، أما بالنسبة للنساء فهما محتاجين يشربوا حوالي 2.2 لتر من المياه بشكل يومي.

شرب المياه بشكل كافي كمان ممكن يستبدل كتير من مستحضرات التجميل، وده لأنه:

  • بيساعد علي الحفاظ علي الرطوبة المثالية للبشرة، لأن المياه بتقدم المغذيات الاساسية للجلد، وبتجدد انسجة الجلد، وده بيخليها مرنة أكتر، وبالتالي هيأجل ظهور كتير علامات الشيخوخة والتجاعيد.
  • الماء كمان بيساهم في المحافظة على صحة الجلد وبيخليه رطب، وبيلمع، و ملمسه ناعم زي الاطفال.
  • شرب كمية كافية من الماء بيعالج اضطرابات الجلد، زي الإكزيما، والصدفية، والتجاعيد لأنها بتساعد الجهاز الهضمي على التخلص من السموم، وده بيدينا بشرة صحية أكتر.
  • الاستحمام بالماء البارد بيعمل على تهدئة الأعصاب، والحد من الأضرار الناتجة عن الإجهاد على الجلد، وده بيحصل عن طريق نقع الجسم بالكامل في الماء البارد لمدة بتتراوح بين 2 إلى 3 دقائق لتجديد نضارة الجلد.
  • حمام الماء البارد بيلغي احمرار الجلد كمان، والمياه الباردة على الوش بتشد المسام، وبتمنع  حصول انسداد، وده بردو بيقلل من ظهور حب الشباب.
  • ضغط الماء البارد بيساعد على تقليل الالتهاب تحت العين، والانتفاخات.
  • وأخيراً بتعمل المياه على شد البشرة، وحمايتها من الترهلات عن طريق ترطيب البشرة وتخليصها من الجفاف.

اخر كلمة : متنسوش تشربوا مياه كتير خصوصاً اليومين دول علشان الحر.

تعليقات
Loading...
Tweet
Share
Share
Pin