أخيرًا.. مدرسة لتعليم السواقة للسيدات بعسير في السعودية

السعودية كان ممنوع فيها لسنين إن الست تسوق عربية، ولكن لحسن الحظ الموضوع ده انتهى من يونيو 2018، وبقى مسموح للمرأة إنها تقدر تسوق، ومؤخرًا بقى في مدرسة لتعليم السواقة للستات في عسير بالسعودية.

عن: okaz

المدرسة موجودة على طريق الملك فهد الرابط بين محافظة خميس مشيط وأبها، وهيتم افتتاحها من أمير منطقة عسير الأمير تركي بن طلال في الأيام الجاية، وده يعتبر خطوة كبيرة للمرأة في السعودية، لإنه هيحققلها حلمها بعد سنين من الانتظار، ومساحة المبنى حوالي 70 ألف متر مربع، وفيه مبنى رئيسي متكامل الخدمات، وميدان واسع، وكمان في عربيات كتير في حوش المدرسة لتعليم السواقة.

عن: ajelsa

وسيدات عسير مستنيين المبنى بفارغ الصبر علشان يقدروا يتعلموا السواقة ويعملوا رخصهم علشان يعرفوا يسوقوا براحتهم، وده هيساعد على تعزيز المرأة وإنه يخليها دور متمكن وعنصر فعال في المجتمع، وده حق من حقوقهم، وده بيبين قد إيه السعودية بتبذل مجهود في إنهم يوفروا للمرأة بيئة أمنة وسليمة علشان يقدروا يسوقوا برفاهية.

آخر كلمة: ماتفوتوش قراءة: خطة السعودية الخماسية في 2021 لإنعاش اقتصادها

تعليقات
Loading...
Tweet
Share
Share
Pin