“أنا بحب إني أدعم الست.. وجزء من شغلي هو إني بكون زيّ معالجة أو طبيبة نفسية للمريضة؛ لما بتحس بنفسها أحلى بيبقى عندها ثقة أكتر في نفسها، فتبتدي ترفض حاجات كتير ممكن ماتكونش صح هي كانت بتقبلها” دي كانت كلمات د. ريم نعمان، أخصائي الجلدية والتجميل بالليزر، عن أهمية الاهتمام بالبشرة سواء بمنتجات العناية بالبشرة أو عمليات التجميل المختلفة، وعن أكتر حاجة بتحبها في شغلها.
د. ريم عندها خبرة 10 سنين، واتشهرت بإن المرضى بتوعها مش بيتغير شكلهم لكن بيبقوا أحلى صورة من نفسهم، وعندها هدف إن الناس تشوف إن الدكاترة المصريين، خاصةً أخصائيين الجلدية، عندهم نفس الكفاءة زيّ الدكاترة اللي موجودين برا مصر، ومع الوقت، تبقى الناس بتيجي من كل حتة للدكاترة المصريين. والنهارده اتكلمنا مع د. ريم عن منتجات هيالورون اكسبيرت من لوريال باريس، وعن تميزها في ترطيب البشرة ومقاومة علامات التقدم في السن.
دور حمض الهيالورونيك في منتجات العناية بالبشرة
ناس كتير لما بتسمع كلمة حمض بييجي في دماغها إنها حاجة بتحرق أو بتهيج البشرة، لكن د. ريم أكدت لنا إن حمض الهيالورونيك هو ببساطة عبارة عن جزيئات بتدخل البشرة وتتملي مياه، وبالتالي تحافظ على رطوبة البشرة. وقالت كمان إن هي بتستخدمه بشكل يومي في شغلها من خلال منتجات مختلفة، لإن حمض الهيالورونيك هو حمض موجود أصلًا في البشرة، وهو الحاجة الأساسية اللي بيتبني عليها مكونات كتير من منتجات العناية بالبشرة.
على حسب كلام د. ريم، حمض الهيالورونيك معروف في مجال علاج البشرة بال”جوكر”؛ لإنه مناسب لكل الأعمار وأنواع البشرة وله استخدامات كتير، زيّ ترطيب البشرة لو هي جافة، إعادة النضارة للبشرة الشاحبة لإنه بيساعدها تكون مشدودة، تأخير ظهور علامات التقدم في السن بالذات الخطوط الدقيقة، معالجة البشرة، وتطويل مدة تأثير البوتوكس، وكل النتائج الإيجابية دي موجودة في منتجات هيالورون اكسبيرت من لوريال باريس، خاصًة سيروم هيالورون اكسبيرت.
سيروم هيالورون اكسبيرت من لوريال باريس
بيتميز سيروم هيالورون اكسبيرت من لوريال باريس بإنه بيحتوي على 1.5% من حمض الهيالورونيك، وقالت د. ريم إن النسبة دي أكبر من النسب الموجودة في السوق، وده بيميز السيروم لإنه بيسرع التأثير الإيجابي للمنتج.
البنت أو الست ممكن تبتدي تحس بتأثير منتجات الهيالورون بعد حوالي 3 أسابيع، على حسب كلام د. ريم، لكن سيروم هيالورون اكسبيرت من لوريال باريس بيسرع العملية دي، والمريضة ممكن تبتدي تلاحظ النضارة والترطيب في وقت أقل من كده، ممكن يوصل لأيام. وأكد الخبراء إن السيروم ده ممكن يحقق نتايج رائعة ضد الخطوط الدقيقة، اللي هتقل بنسبة 40% بعد 4 أسابيع بس من استخدامه، وبيتميز إنه مش بيسد المسام.
بالنسبة لطريقة استخدامه، رشحت د. ريم إن يتم استخدامه على بشرة رطبة، يعني تغسلي وشك وبعد دقيقة تستخدمي السيروم، لإن الطريقة دي بتضمن إن البشرة بتمتص أكبر نسبة من السيروم ومن حمض الهيالورونيك. والسيرم ممكن أي بنت أو ست تستخدمه، أيًا كان سنها أو نوع بشرتها؛ جافة، دهنية، مختلطة، أو حتى بشرة حسّاسة.
منتجات هيالورون اكسبيرت من لوريال باريس
وقالت د. ريم “آلية عمل هيالورون اكسبيرت من لوريال باريس بتتميز عن المنتجات التانية في إنها بتشمل جزيئات مرتفعة الوزن وجزيئات منخفضة الوزن من حمض الهيالورونيك في نفس الوقت، وده بيخلي المنتجات دي بتحقق نتائج مزدوجة؛ فوق وتحت. فوق يعني إنها بترطب وبتشد البشرة، وتحت يعني بتساعد على تأخير ظهور وتقليل الخطوط الدقيقة والتجاعيد.” المنتجات بتاعتهم مُتعددة وبتشمل: سيروم الوجه، كريم النهار، كريم الليل، كريم عيون، غسول جل، ماء ميسيلار، قناع خفيف، وفيللر سيروم مضاد للتجاعيد.
ولما سألنا د. ريم عن روتين للعناية بالبشرة من خلال استخدام منتجات هيالورون اكسبيرت من لوريال باريس، قالت إن الصبح ممكن تبدأي باستخدام الغسول اللي بيتميز إنه بيحافظ على الترطيب بنسبة كبيرة وبيساعد على القضاء على أعراض حب الشباب، وبعدين ممكن تستخدمي تونر. تالت خطوة في روتين الصبح هي سيروم هيالورون اكسبيرت، اللي ممكن تستخدميه مع أي سيروم تاني ومش هيكون مضر، وساعتها مش هتحتاجي تستخدمي مرطب، لإن السيروم هيقوم بدوره. وآخر خطوة هي كريم النهار من منتجات هيالورون اكسبيرت اللي بيساعد على زيادة نضارة البشرة وكمان بيشتغل كواقي للشمس. وبليل هتكون نفس الخطوات، لكن هتبدلي كريم النهار بكريم الليل، وممكن تستخدمي كمان كريم العيون اللي بيساعد على تجديد البشرة ومقاومة التجاعيد العميقة. ونصحت د. ريم إن البنات والستات تبتدي تستخدم المنتجات دي من أول سن 25، وتكون بتحطه على وشها ورقبتها حتى لو هي مش ملاحظة علامات تقدم العمر دلوقتي.
رسالة من د. ريم نعمان
لو أنتي حد بيهتم بمنتجات العناية بالبشرة، فمنتجات هيالورون اكسبيرت من لوريال باريس، وبالذات السيروم، هي أفضل المنتجات اللي ممكن تستخدميها، ودي حاجة بتأكدها د. ريم وخبراء تانيين كتير. ولو أنتي حد مش بيتهم ببشرته ولا بالمنتجات دي علشان زهقانة من الخطوات الكتير، د. ريم بتأكد لك إن منتجات هيالورون اكسبيرت من لوريال باريس هتوفر لك خطوات كتير وهتقدم لك كل احتياجاتك من ترطيب ونضارة وتأخير ظهور علامات التقدم في العمر.
اتأكدي إن أنتي جميلة زي ما أنتي، ولوريال باريس ود. ريم النعمان هدفهم إنهم يساعدوكي تحسي بثقة أكبر في نفسك وتكوني أحلى صورة من نفسك، مش يغيروا شكلك. ودي رسالة د. ريم ليكي النهارده: “حبي نفسك في كل حالاتك، ولكن في نفس الوقت دايمًا اشتغلي على نفسك، لإن ده اللي هيحقق ليكي الثقة بالنفس، لإن ثقتك بنفسك هي اللي هتساعدك تختاري صح في كل حاجة في حياتك.”