فيديو من برنامج ريهام سعيد على قناة النهار، لجزء من حلقة بتظهر فيها طفلة صغيرة اسمها بسنت “بتقصف جبهة” زيّ ما بيقولوا واتكتب على الفيديو، بأسلوب تريقة والحلقة كلها بأسلوب ضحك والكلام على فيديوهات البنت على تيك توك، والناس عملت ميمز على الفيديو اللي انتشر وضحكوا، وناس تانية شايفة أسلوب البنت غلط وماينفعش يكون من طفلة سنها صغير كده وبتتكلم كإنها ست عندها 40 سنة، وإن ماينفعش الأطفال يتقال قدامهم أي حاجة، فتعالوا نشوف الآراء والناس بتقول إيه على السوشيال ميديا.
والقناة احتفلت بملايين المشاهدات على الفيديو في وقت قليل وقالوا بسبب خفة دم الطفلة بسنت.
فيه ناس شافتها خفة دم وابتدت كمان تعمل ميمز على نفس الطريقة.
لكن الناس اللي شافت ده غلط عبروا عن رأيهم برضه..
وناس كمان شافت إن الهجوم ده كتير على طفلة صغيرة مش فاهمة لسه اللي بتعمله وإن ده تنمر على البنت مش إن البنت هي اللي بتتنمر زيّ ما الرأي التاني بيقول.
ما بين معاير خفة الدم والضحك وبين التربية الصح السوية شعرة، ناس شايفة كده وناس شايفة كده، بس وسط التكنولوجيا اللي حوالينا في كل مكان والأطفال دلوقتي في كل حتة بيستخدموها من سن صغير جدًا لازم ناخد بالنا من تصرفاتهم، انتوا شايفين الموضوع بضحك وهزار ولا فعلًا يستاهل الكلام اللي بيتقال عن التربية؟