من ساعات قليلة انتشر تحذير على السوشيال ميديا من ناس موجودة في دهب، بوجود كميات من بقع زيت على شواطئ اللايت هاوس وعند نقطة الممشى وإيل جاردن، والتحذيرات كمان بتنصح الناس بالبعد عن بقع الزيت دي وعدم لمسها نهائي، لحد إعلان إشعار آخر.. بقع الزيت على الشاطئ على حسب ما باين في الصورة إنها وكمان في البحر نفسه، والبقع على بُعد من بعضها مش بقعة واحدة.
WARNING DO NOT ENTER THE SEA IN DAHAB UNTIL FURTHER NOTICE.
We will update as things develop.
Do not touch the oil.
Posted by Eco-Dahab on Tuesday, August 16, 2022
اتواصلنا مع حد شغال في كامب لايت هاوس نفسه في دهب، علشان نعرف معلومات أكتر، من غير نشر للذعر على الفاضي بس لتحذير الناس من خطر يأثر على صحتهم، خصوصًا لو حد مش فاهم إيه ده وحب يقرب ويكتشف بنفسه.
محمد قال لنا إن البقع دي تم اكتشافها على الشاطئ من امبارح بليل وإنها موجودة في البحر وعلى الشط، لكن متوقعين إنها تخف مع الوقت، وفي أخبار بتقول إنها بسبب مركب محملة بالزيت كانت بتعدي في المكان ده، وإن بقع الزيت ممكن تمتد وتبقى موجودة في شرم الشيخ وخليج العقبة، لكن دي معلومات مش مؤكدة لحد دلوقتي.
كمان الأخبار اللي وصلت لنا إن بقع الزيت في دهب متركزة في منطقة اللايت هاوس وعند الكوبري الخشب اللي على الممشى، وكميات الزيت كبيرة لدرجة إن اللي بينزل المياه بيطلع متغطي بالزيت تمامًا، ومهما حاولوا يغسلوا جسمهم الزيت مش بيطلع، علشان كده التحذيرات انتشرت بالبعد عن أماكن وجود بقع الزيت دي. في حد قال إن بقعة الزيت مصدرها خليج العقبة لكن الموج وصلها لشواطئ دهب.
الموضوع ابتدى امبارح بالليل، لكن دلوقتي تم تنضيف عدد من الشواطئ وبقت خالية من بقع الزيت، حسب تحديثات وصلت لنا من ناس موجودة هناك تحديدًا في الممشى.
وبعد ساعات قليلة، تم الإعلان عن إزالة ورفع المواد البترولية وكميات الزيت، بالتنسيق مع الجهات المختصة وبدعم مجلس مدينة دهب اللي بعت الشركة المسئولة عن النظافة في المدينة علشان تتم المهمة، ومازالت أعمال الإزالة مستمرة علشان يخرجوا الزيت بالكامل من البحر.
تمت عمليات ازالة ورفع المخلفات البترولية حيث تم البدء بعدد ٤ أفراد ولكن كانت وتيرة الأعمال ضعيفة فتم التنسيق مع كل…
Posted by Dahab Defenders on Tuesday, August 16, 2022