عمل فني شد انتباه الجمهور وتابعوه بشغف، في نوع من الدراما مش بنلاقيه كتير، ودي كانت فرصة الجمهور يتابع مسلسل بتشويق، مسلسل شقة 6 من وقت نزوله لقى شعبية كبيرة من الجمهور، وآمالهم وتوقعاتهم اللي بتزيد مع كل حلقة، ومستنيين يحلوا الألغاز بطريقة مثيرة.
لكن في نهاية المسلسل، الحلقة الأخيرة اللي كانت حسب أراء الجمهور مخيبة للآمال، حصل بسببها جدل كبير وصل لتقديم بلاغ للنائب العام، واتقال إنها تم تغييرها عن المحتوى الأصلي اللي تمت كتابته من مؤلفي العمل، في البداية الناس اتفاجئت بالنهاية لكن للأسف مفاجئة وحشة مش مفاجئة حلوة، وكانوا شايفين إنها بوظت الملسلسل، لدرجة إن البعض ندم إنه تابعه، وبعدها مباشرة المؤلفين صرحوا إن مش دي النهاية والأحداث اللي تمت كتابتها والموافقة عليها من الرقابة، وأعلنوا عن سلبيات كتير حصلت، والمخرج رد على التصريحات دي على صفحته، وكمان عدد من المؤلفين والفنانين اتكلموا عن الأزمة، فتعالوا نشوف القصة الكاملة.
لكن مخرج العمل رد على الجدل ده.
ردود أفعال الجمهور على الحلقة الأخيرة من شقة 6 كان بيعبر عن إنها خابت التوقعات والأفكار اللي الجمهور طبيعي رفع سقفها بناءًا على جودة العمل من بدايته.
فنانين ومؤلفين علقوا كمان على الأزمة دي بشكل صريح، وبيدعموا الكتّاب الشباب في الدفاع عن حقوق الملكية الفكرية لأعمالهم اللي بذلوا فيها مجهود علشان تخرج للجمهور بشكل كويس.
