فكرت لجين الرفاعي المدربة الرياضية ومصممة الأزياء في الفكرة المختلفة دي لما رجعت من الولايات المتحدة للسعودية. وده لأنها كانت عاوزة تمارس أنشطة حياتها بشكل طبيعي وتتحرك مع أولادها بحرية ولكنها كانت بتشعر إن العباية التقليدية بتعوق حركتها، وعشان كده صممت مجموعة عبايات رياضية وسمتها “Free-flow” أو التدفق بحرية اللي الهدف منها إنها تديكي الفرصة تمارسي أنشطة حياتك بحرية.
عباية الfree-flow مصممة من قماش مصنوع مخصوص ليها عشان تكون مريحة ومطاطة أكثر، وبتكون ماسكة في الرجل من عند الكاحل، وهي متاحة بكل الألوان من الرمادي للنيون.
عبايات ماركة مولو الرياضية مناسبة لمختلف الأنشطة من أول التمشية للتمرينات الرياضية وده هو اللي كانت بتسعى ليه لجين المدربة والأم لما بدأت العمل ده مع زوجها بعد ما حياة الثنائي أنقلبت رأساً على عقب لما دخلوا عالم اللياقة البدنية سنة 2006.
وبعد ما أصبحت الرفاعي سفيرة للصناعة الرياضية في السعودية، أختارتها أديداس عشان تكون جزء من حملة Ultraboost مع رها محرق متسلقة الجبال وسجى كمال لاعبة كرة القدم عشان يقدودوا تمكين المرأة في المنطقة.
ماركة مولو موجودة من سنة 2016 وكانت الأولى من نوعها في المملكة لما قررت لجين أن تبادر وتجمع بين الملابس الرياضية والموضة، وزاد الاهتمام بيها بشكل كبير مؤخراً بعد نزول تصاميمها الجديدة متنوعة الألوان.