انتشر على السوشيال ميديا من ساعات صورة للمخرج طارق العريان مع حبيبته زيّ ما الناس بتخمن، نزلتها وكتبت عليها إنها مبسوطة باليوم اللي قضوه وبتشكر طارق وأصحابهم اللي كانوا معاهم، فالناس تسائلت مين هي، بالذات إن الفنانة أصالة أشارت ليها في بداية السنة لما كانت حاسة بالخيانة من زوجها طارق العريان، واللي فجر مفاجأة هو رد الفنانة أصالة على الصورة دي، لإنه مش مجرد رد على سؤال اتسألته بخصوصها، لا دي نزلت الصورة على صفحتها الشخصية على انستجرام وعلقت عليها.
الصورة اللي نزلتها الفنانة نسرين إمام على صفحتها واللي خلت الموضوع يبدأ، الصورة بتجمعها في سهرة مع أصدقائها طارق العريان ونيكول سعفان حبيبته، ودي بداية الجدل.
بعدها أصالة نزلت نفس الصورة وعلقت عليها بقد إيه الصورة وجعتها.
كمان علقت شام الذهبي، بنت أصالة على الموضوع، بإنها نزلت صورة عائلية بتجمعهم في عيد ميلاد سابق، وبتعاتب طارق العريان وبتوضح قد إيه علاقتهم كانت كويسة كعيلة.
بعد كده الموضوع انتشر والناس شاركت برأيها، وناس لامت على أصالة وقالت إن الفعل ده هيقلل من كرامتها وإنها مش المفروض تتكلم أو إنها تتابع أخباره من الأساس، وناس تانية بتشجعها وبتقول إنها اتصرفت عادي وفعلها ده ميقللش من كرامتها أبدًا.