في فعاليات الدورة الرابعة لمهرجان الجونة السينمائي، نجومنا تألقوا بإطلالات جميلة سواء الفنانين أو الفنانات، كمان لفت نظرنا المجوهرات والاكسسوارات اللي أضافت لإطلالاتهم، واللي ساعدتهم يضيفوا حاجة بتعكس شخصيتهم، وكانت معظم اكسسوارات الفنانين الشباب من تصميم عزة فهمي، اللي بتعتبر من الرواد في صناعة وتصميم المجوهرات والاكسسوارات من حوالي 50 سنة.. تعالوا سوا نشوف إزاي تصاميم اكسسوارات عزة فهمي لمعت في إطلالات نجومنا الشباب على السجادة الحمراء لمهرجان الجونة السنادي.
أحمد داوود
أحمد داوود من الفنانين اللي بيفضَلوا إضافة الاكسسوارات لإطلالتهم، وبيختار أشكال مختلفة ومميزة، والسنادي اختار خاتم مكتوب عليه “سعادة”، واكسسوارات تانية موجودة في الصور، كملت الإطلالة المناسبة اللي بنستناها من داوود.
محمد فراج
فراج اختار خاتم “Scarab” من مجموعة عزة فهمي، اللي متصمم على شكل الجعران الفرعوني بشكل مميز ومتنوع بين اللون الفضي واللون الذهبي.
أمجد أبو العلا
المخرج السوداني أمجد أبو العلا، اللي عرفناه من خلال فيلمه “ستموت في العشرين”، واللي حقق نجاح وشهرة عالمية السنة اللي فاتت، اختار أمجد اكسسوارات بتصاميم مختلفة، بين خواتم مكتوب عليها جمل باللغة العربية، وكمان سلاسل بكلمات عربية.
هاني عادل
اختار الفنان هاني عادل خاتم “Scarab” أو الجعران، وركز أثناء تصويره على السجادة الحمراء إنه يظهر الخاتم اللي أضاف جمال لإطلالته في حفل ختام المهرجان.