5 أكلات ممكن تتاكل بدل اللحمة، وبرضه تحس بالعيد

في فئة مش قليلة من الناس مش بتحب اللحمة أو أي حاجة قريبة من طعمها، والناس دي بتعاني في الأعياد والمناسبات دايمًا، خصوصًا في عيد الأضحى، علشان كده احنا قدرناهم وجبنالهم 5 أكلات ممكن تتاكل بدل اللحمة، وبرضه يحسوا بالعيد، ومن غير أي تكدير.

الشيش طاووق

المقادير:

  • 500 جرام فراخ مخلي ومقطع.
  • 10 جرام زيت زيتون.
  • 15 جرام زبادي.
  • 2 جرام فلفل أسود.
  • 1 كيس خلطة الشيش طاووق.
  • 5 جرام مستردة.

بنبدأ الأول بتحضير التتبيلة وبعدها بنحط عليها قطع الفراخ، بتتساب لمدة ساعتين، وبنحط بعدها الفراخ في أسياخ وبتشويها في صينية مدهونة زيت في الفرن، وبنغطيها بالفحم.

كبسة بالخضار

الكبسة عمومًا مرتبطة بالعيد، فممكن نعمل تعديل بسيط فيها وتبقى بالخضار للناس اللي مش بتحب كبسة اللحمة، والمقادير كالأتي:

  • رز طويل الحبة : 2 كوب.
  • مياه سخنة : 3 أكواب.
  • ملح: 2 ملعقة صغيرة.
  • فلفل أحمر: نصف ملعقة صغيرة.
  • بودرة الكاري: 2 ملعقة صغيرة.
  • الكمون: 2 ملعقة صغيرة.
  • الكركم: ملعقة.
  • الثوم: فصّان (مهروس).
  • طماطم: 1 حبة (كبيرة ومفرومة).
  • البصل: 1 حبة مفرومة.
  • زيت الزيتون : 3 ملاعق كبيرة.
  • زبيب : حسب الرغبة (مقلي/للتزيين).
  • كاجو : حسب الرغبة (مقلي/للتزيين).

في الأول بننقع الرز لمدة نص ساعة، وبعد ما نصفيه، بنبدأ نجهز البصل على النار وبنضيف عليه التوم والطماطم مع التقليب، وبعدها البهارات، وأخر حاجة الرز والمياه، ولازم تبقى مغلية، والطبق بيتقدم وبنزينه بالمكسرات.

فراخ بالكريمة والمشروم

المقادير:

  • 4 صدور فراخ.
  • 1 كيلو مشروم مقطع.
  • 2 كوب كريمة طبخ.
  • 2 بصلة مفرومة ناعمة.
  • ½ ملعقة صغيرة ملح.
  • ½ ملعقة صغيرة فلفل أسود.
  • 1 ملعقة صغيرة بابريكا.
  • 2 فص ثوم مهروس.
  • 4 ملعقة كبيرة زيت زيتون.
  • 2 ملعقة كبيرة زبدة.
  • 1 ملعقة كبيرة زيت نباتي.

بعد ما نتبل قطع الفراخ بزيت الزيتون والبهارات كلها، بنسيبها لمدة نص ساعة، وبنحط الزبدة مع البصل والثوم في قلاية للزيت لحد ما تبقى طرية، وبنضيف المشروم ومن بعدها قطع الفراخ وبنقلبها مع الزبدة والبصل، بنضيف الكريمة مع رشة ملح وبنقلب لحد ما يغلي.

الجلاش

الجلاش من الحاجات الأساسية في أي عيد، وفي الغالب بيبقى باللحمة المفرومة، بس احنا ممكن نعمله بالجبنة والزيتون أو أي حشوة تانية زيّ الفراخ مثلًا، ويبقى برضه طعمه حلو ومناسب للأجواء.

  • 1 لفة جلاش (باكيت واحد).
  • 1 كوب كبير جبنة.
  • نصف كوب كبير زيتون أسود.
  • 1 بيضة.
  • زيت.

بنحضر أي خليط احنا عايزينه سواء جبنة وزيتون أو فراخ متقطعة، وبنجيب صينية مدهونة زيت وبنبدأ نحط كمية من ورق الجلاش، وبعدها الحشوة وهكذا، وعلشان وش الجلاش مايتحرقش في الفرن، ممكن نضرب عليه بيضة بالفلفل الأسود واللبن، وندهن وش الجلاش بيها.

نجرسكو بالفراخ

المقادير:

  • نصف كيلو مكرونة فرن مسلوقة.
  • أربع قطع من صدور الفراخ المخلية.
  • بصلة مبشورة .
  • عصير ليمون.
  • فلفل أخضر.
  • نصف ملعقة صغيرة من كل من (الثوم البودر – البصل البودر – الزعتر – الريحان – الملح – الفلفل الأسود – القرفة المطحونة).
  • زيتون مخلي ومقطع إلى شرائح.
  • جبن شيدر.
  • جبن رومي.
  • مرقة دجاج.
  • نصف لتر لبن.
  • ثلاث ملاعق كبيرة دقيق.
  • ملعقة من السمنة.
  • ثلاث حبات بيض.
  • ملعقتان من الزيت.
  • ملعقة كبيرة من البقدونس المفروم.

النجرسكو من الأكلات المحببة عند كل الناس، وبتتعمل في أي وقت، فا ممكن نستبدلها بالفتة، بعد ما بنجهز البشاميل ونسلق المكرونة، بنبدأ في تحضير الفراخ واللي يعتبر أهم مكون في الوصفة، ولازم تبقى متبلة كويس علشان طعمها يبان، وده بيبقى إننا نشوحها في السمنة بالبصل المبشور والملح والفلفل.

أخر كلمة: ماتفوتوش قراءة: 5 وصفات مغربية سهلة للأكل النباتي

تعليقات
Loading...
Tweet
Share
Share
Pin