34: عمرو دياب يدخل عالم الموضة بخط أزياء جديد يُطلق في جميع أنحاء العالم

عمرو دياب من الفنانين الكبار اللي وجود اسمه في أي عمل سواء غنائي أو فني بيبقى كفيل إنه ينجحه ببساطة لإن الوطن العربي كله بيستنى أعماله من السنة للسنة. وبعد ما تطرق عمرو دياب لأول مرة لعالم الموضة لما أطلق لأول مرة برفان خاص بيه باسم “Amr Diab Eau de Parfum 34″، دلوقتي هيتوسع أكتر عن طريق إطلاقه خط أزياء كامل برضه هيحمل اسم 34، اللي بيرمز لسنة ميلاد والد ووالدة عمرو دياب.

هتتضمن مجموعة أزياء عمرو دياب أكتر من 100 منتج تحت علامته التجارية “34”، وهيتعاون فيها مع مجموعة البركة القابضة وGroup Four لتصنيع وتسويق المنتجات. وخط الأزياء مش بس بيشمل الملابس، لكن كمان هيتضمن النظارات الشمسية والطبية، وخط إنتاج كبير للإكسسوارات والمنتجات الجلدية. الأقمشة اللي هتُستخدم هتكون مستوردة من شمال إيطاليا، علشان تكون جودة المنتجات ملائمة للمنافسة العالمية في عالم الموضة، وضمان خروج خط أزياء يليق بمكانة الهضبة.

ونشر عمرو دياب مؤخرًا صور على حسابه بانستجرام من آخر حفلة ليه في الساحل الشمالي، واللي كان لابس فيها من خط أزيائه الجديد، وأعلن رسميًا عن إطلاق خط أزيائه اللي هيكون متاح في جميع أنحاء العالم قريبًا. وكلنا متحمسين نشوف الموضة اللي هينتجها ونلبس منها كمان.

آخر كلمة: ماتفوتوش قراءة: “ردود الأفعال على إعلان برفيوم عمرو دياب الجديد على السوشيال ميديا“…

تعليقات
Loading...
Tweet
Share
Share
Pin