11 نوفمبر اليوم العالمي للسناجل: بلاد عربية تقدر تسافر لها وتستمتع فيها لوحدك
يوم 11 نوفمبر هو اليوم العالمي للسناجل.. أكيد هتكونوا أخدتوا بالكم من الموضوع ده من العروض والخصومات الكتير اللي بتشوفوها على كتير من المواقع، وكإنهم بيحولوا يهونوا عليك المأساة. اللي هو أنت سينجل؟ طب تعالى اشتري هدوم بأسعار مخفضة علشان تنسى همومك! ده غير الكوميكس بقى اللي بتتكلم عن اليوم ده. بس هل ده يوم حزين مثلًا؟ لا بالعكس خالص! وأنت سينجل في حاجات كتير أوي ممكن تتعمل، تحس بيها بالانبساط والإنجازات.
![](https://ar.scoopempire.com/wp-content/uploads/sites/4/2021/11/singlesday.gif)
واحنا النهارده مش هنوريك كوميكس على يوم السناجل ولا هنجيب لكم خصومات.. بس هنقول لكم على أماكن موجودة في الوطن العربي، تقدر تسافر لها سولو أو لوحدك، وتستمتع بالأماكن السياحية اللي هناك، من غير ما تحس إنك محتاج لصحبة أو شريك. المنطقة العربية مليانة بالـ hidden gems اللي لسه محتاجة إننا نكتشفها!
البتراء – الأردن
مدينة البتراء بتقع في أعماق جبال جنوب الأردن، وهي نصب تذكاري مذهل لإبداع البشرية وحرفيتها. هي أحد مواقع التراث العالمي لليونسكو وواحدة من عجائب الدنيا السبع الجديدة. بتقع في حوض وتم نحتها من الحجر الأحمر للجبال المحيطة بيها.
![](https://ar.scoopempire.com/wp-content/uploads/sites/4/2021/11/f4961664a7499aff398fee34fec0d7ce-826x1024.jpg)
أنشطة كتير ممكن تتعمل في المدينة، زيّ تسلق الجبال الموجودة، زيارة الدير الموجود هناك، أو زيارة حمامات في وادي موسى (البلدة المجاورة للبتراء) اللي بتخدم الذكور والإناث. وبتتكون الجلسة من حمام بخار ومقشر للجسم ومساج بالزيت، علشان تقدر تتخلص من الجلد الميت وآلام العضلات.
بالم جميرا – دبي
بالم جميرا من أشهر الجُزر في دبي والإمارات، واللي بيقصدها الآلاف من السياح والزوار سنويًا. فبتحتوي على فنادق وأبراج سكنية فاخرة، بالإضافة لمطاعم عالمية وراقية. وفي كمان النوادي الشاطئية اللي بتضم منتجعات صحية وحمامات سباحة. فالأنشطة اللي ممكن تقوم بيها هناك فعلًا لا متناهية – معظمها مائية!
![](https://ar.scoopempire.com/wp-content/uploads/sites/4/2021/11/skydive_dubai-5c8d7ae2c9e77c0001eb1c1e.jpg)
زيّ زيارة الحدائق المائية والقيام بجولات مائية في قارب سريع يأخذك من مرسى دبي ويتجول بك في جميع المناطق المطلة على الجزيرة. وممكن كمان تقوم بزيارة الـ spa الموجود في المنتجع اللي هناك، أو تعمل حاجة أكثر جرئة زيّ القفز الحر، واللي بيعتبر من أهم الأنشطة في بالم جميرا.
صلالة – عمان
عايز مدينة tropical أكتر تحسسك إنك روحت المالديف؟ يبقى مدينة صلالة هي المكان المثالي بالنسبة لك. هتلاقي هناك شواطئ مذهلة، وامتدادات طويلة من الرمال البرية، ومنحدرات وقطيع من الجمال المتجولة. هتلاقي بساتين البابايا والموز وجوز الهند وهتشوف أروع الشلالات. هو فعلًا مكان ساحر ومختلف عن أي شيء تاني موجود في الشرق الأوسط.
المنامة – البحرين
![](https://ar.scoopempire.com/wp-content/uploads/sites/4/2021/11/Bahrain_World_trade_Center_-1024x683.jpg)
مدينة المنامة هي العاصمة الحديثة لدولة البحرين الخليجية، وكانت في مركز طرق التجارة الرئيسية من العصور القديمة. تقدر تقوم بأنشطة متنوعة ومختلفة في البلد دي وأنت لوحدك. زيّ زيارة مسجد الفاتح الكبير اللي يعتبر رمز العمارة والثقافة الإسلامية، أو الاستجمام في أحد الفنادق المميزة الموجودة.
أسوان – مصر
من أشهر الطرق لاستكشاف مصر، هو الاستمتاع برحلة نيلية أو river cruise على مياه أحد أطول الأنهار في العالم. هتشوف حاجات جميلة وأنت بتتجول في المدن المحيطة وبتستكشف المواقع الأثرية القديمة هناك.