“مشروع الظفرة”: أبو ظبي في طريقها لبناء أكبر محطة طاقة شمسية في العالم!

0

بواسطة ماهينور أبوالعطا.

أعلنت شركة مياه وكهرباء الإمارات عن افتتاح أكبر محطة للطاقة الشمسية في الشرق الأوسط والعالم، واللي هتساعد دولة الإمارات تزود انتاج الطاقة النظيفة والمتجددة وتقلل من الإعتماد على الغاز الطبيعي في توليد الكهرباء اللي بيسبب انبعاثات لثاني أكسيد الكربون، ومع افتتاح المشروع هتقدر الإمارات تخفض من الإنبعاثات دي بمقدار مليون طن متري سنويًا.

المشروع ده بيعتبر من أهم مشاريع الطاقة في العالم وده كان سبب في التنافس بين شركات الطاقة لتنفيذه، وقدرت شركة ”إي.دي.إف“ الفرنسية، اللي بتنتسب لشركة ”جينيكو سولار“ الصينية، تعقد اتفاقية مع شركة أبو ظبي الوطنية ”طاقة“ و شركة أبو ظبي لطاقة المستقبل ”مصدر“، وبكدا هتمتلك شركة ”اي.دي.اف“ ٢٠٪ من حصة المشروع و ٦٠٪ هيكونوا لشركة ”طاقة“ و شركة ”مصدر“. 

وهيتم انشاء المشروع في منطقة ”الظفرة“ اللي بتقع على  بعد ٣٥ كيلومتر من أبوظبي ووصلت تكلفة المشروع لـ ٨٧١ مليون دولار، وهتكون البداية فيه خلال نهاية السنة دي عشان يتم افتتاحه خلال نص سنة ٢٠٢٢. و تعتبر المحطة دي من أكبر المشاريع الكهروضوئية لإنها هتنتج ٢ غيغاوات من الكهرباء واللي هيوفر كهرباء لأكتر من ١٦٠ الف منزل وأسرة. 

آخر كلمة: متفوتوش قراءة: دبي في طريقها للتحول لمدينة خضراء عن طريق المحطات دي.

تعليقات
Loading...