دبي في طريقها للتحول لمدينة خضراء عن طريق المحطات دي
لو رُحت دبي أول حاجة هتلاحظها وانت بتمشي في شوارعها إن المحطات الخضراء لركن العجل أصبحت هي العلامة المميزة لشوارع المدينة، والسكان هناك متحمسين جدًا للفكرة. حوالي 3500 رحلة بالعجلة هيكونوا مُتاحين للتأجير في شوارع مدينة دبي المختلفة بضغطة زر بس من على موبايلك، انزل في الصور وهتفهم أكتر.
في نوفمبر 2019، أعلنت السلطات المسئولة عن النقل والمواصلات في دولة الإمارات “إنهم في شراكة مع أبليكيشن كريم لشحن 3500 عجلة حول البلد هيشتغلوا من 350 محطة”، وإن المستخدمين هيقدروا بسهولة يفكوا شفرة العجل عن طريق إدخال كود معين هيخليك تقدر تسحب العجلة من المحطة وتبدأ تستخدمها لمشاويرك.
في المرحلة الأولى للمشروع -اللي متوقع لها تنتهي في خلال سنتين- كريم هيبدأ في تدوير 1750 عجلة وتركيب 175 محطة لركن العجل تعمل بالطاقة الشمسية. وعلى مدار الخمس سنين الجاية، عدد العجل هيزيد لمجموع 3500 عجلة مع 175 مرسى زيادة للعجل هينضموا للشبكة الضخمة – ودا وفقًا لجريدة “الناشيونال“.