جوايز الجلوب سوكر هي جوايز بتتقدم كل سنة من مجلس دبي الرياضي لأفضل اللاعيبة والمدربين والأندية في مجال كرة القدم في السنة، ولكن السنادي بقى فيه كمان جايزة للأفضل في القرن الـ 21، وتم ترشيح فخر العرب محمد صلاح ونادي القرن النادي الأهلي للجوايز، والنتيجة هيتم إعلانها يوم 27 ديسمبر من 2020.
اللاعب البرتغالي كريستيانو رونالدو كسب جايزة أحسن لاعب في السنة في الأربع سنوات اللي فاتوا.. ومحمد صلاح مترشح لجايزة أحسن لاعب في القرن الـ 21 مع سيرخيو راموس، وتشابي هيرنانديز، وأندريس إنييستا، وإيكر كاسياس، وأندريا بيرلو، وأندري شيفشينكو، وآرين روبن، وكريستيانو رونالدو، وديفيد بيكهام، وفابيو كانافارو، وفرانشيسكو توتي، وفرانك لامبارد، وجيانلويجي بوفون، وكاكا، وكيليان مبابي، ولويس فيجو، وليونيل ميسي، ولوكا مودريتش، ومانويل نوير، ونيمار، وفيليب لام، وروبرت ليفاندوفسكي، ورونالدينيو، ورونالدو، وستيفن جيرارد، وزلاتان إبراهيموفيتش، وزين الدين زيدان.
واترشح لجايزة أحسن لاعب في سنة 2020، شيرو إيموبيلي، وكريستيانو رونالدو، وليونيل ميسي، وكريم بنزيما، وروبرت ليفاندوفسكي، وساديو ماني، وماركينيوس، وسيرجي جنابري.
اقرأ أيضًا: الملك المصري.. قطار مستمر في تحطيم الأرقام التاريخية في ليفربول
والنادي الأهلي اترشح لجايزة أحسن نادي في القرن الـ 21 مع برشلونة، وريال مدريد، وبايرن ميونخ، ويوفنتوس، وليفربول، ومانشستر يونايتد، وباريس سان جيرمان.
واترشح لجايزة أحسن مدرب لسنة 2020، جيان بييرو جاسبيريني من نادي أتالانتا، وهانز ديتير فليك من نادي بايرن ميونيخ، وخولين لوبيتيجي من نادي إشبيلية، ويورجن كلوب من نادي ليفربول، وتوماس توخيل من نادي باريس.
واترشح لجايزة أحسن مدرب في القرن الـ 21، السير أليكس فيرجسون، وفيسينتي دل بوسكي، وبيب جوارديولا، وكارلو أنشيلوتي، وديدييه ديشامب، ويواخيم لوف، وجوزيه مورينيو، ولويس فيليبي سكولاري، ومارتشيلو ليبي، وزين الدين زيدان.
والجمهور هو اللي اختار الترشيحات دي ويقدر كمان يختار لاعبه المفضل من هنا، وهيختار الفايزين برضه لجنة تحكيمية من 25 شخص.