مع بداية السنة الجديدة، الواتساب هيتوقف عن الخدمة في عدد من أنواع التليفونات سواء أندرويد أو أيفون، والقائمة اللي تم الإعلان عن توقف الخدمة فيها كانت بتشمل 49 نوع من الهواتف الذكية من Apple و Samsung و LG، وده لإن واتساب بيدعم الهواتف الذكية اللي بتشتغل بنظام أندرويد بالإصدار 4.1 من نظام التشغيل والإصدارات الأحدث، والهواتف الذكية اللي بتشتغل بنظام التشغيل iOS 12 وما فوق، وده اللي مش بتقدر تدعمه ملايين من الأجهزة لإنها بقت قديمة.
السبب في القرار
أحمد طارق، خبير أمن المعلومات، قال: التحديثات التي ستطلقها شركة “ميتا” على تطبيق “واتساب”، تأتي لزيادة الأمان وحماية الهواتف الذكية من الهجمات الإلكترونية، وهذه التحديثات ضرورية إجبارية أن يتم تنزيلها أولًا بأول، لكافة أنظمة التشغيل سواء “آي أو إس” أو “أندرويد”، وذلك لأنها فضلًا عن حمايتها للأجهزة وسد الثغرات، فإنها أيضا تحسن من جودة عمل التطبيق، وتستقبل المميزات الجديدة.
وكمل: “ما أعلنته “واتساب” عن توقف عمل التطبيق على عدد من أجهزة الهواتف الذكية، أمر لا يدعو للقلق إطلاقًا، لأن جميع الأجهزة التي سيتوقف عليها التطبيق قديمة للغاية وليست مع الغالبية، كما إنها بالفعل لا تدعم عمل الكثير من التطبيقات بسبب كونها قديمة، وسبب اتخاذ القرار بتعطيل عمل التطبيق على هذه الأجهزة أنها تحمل أنظمة قديمة لن تواكب التحديثات الجديدة كلها، وستكون معرضة لهجمات إلكترونية وثغرات كثيرة بينها وبين التطبيق”.
الهواتف اللي هيتوقف فيها واتساب
بالتفصيل، دي القائمة اللي هيتوقف فيها الواتساب مع نهاية السنة وتحديدًا يوم 31 ديسمبر:
آيفون 5
آيفون 5 سي
أركوس 53 بلاتينيوم
جراند إس فليكس زد تي إي
جراند X كواد V987 ZTE
HTC Desire 500
هواوي اسيند د
هواوي Ascend D1
هواوي اسيند دي 2
هواوي اسيند G740
هواوي Ascend Mate
هواوي Ascend P1
رباعية XL
لينوفو A820
إل جي Enact
LG Lucid 2
LG Optimus 4X HD
هاتف LG Optimus F3
هاتف LG Optimus F3Q
هاتف LG Optimus F5
هاتف LG Optimus F6
هاتف LG Optimus F7
LG Optimus L2 II
LG Optimus L3 II
LG Optimus L3 II Dual
LG Optimus L4 II
LG Optimus L4 II Dual
LG Optimus L5
LG Optimus L5 Dual
LG Optimus L5 II
LG Optimus L7
LG Optimus L7 II
LG Optimus L7 II Dual
LG Optimus Nitro HD
مذكرة ZTE V956
سامسونج جالاكسي الآس 2
سامسونج جالاكسي كور
سامسونج جالاكسي S2
Samsung Galaxy S3 mini
Samsung Galaxy Trend II
سامسونج جالاكسي تريند لايت
هاتف Samsung Galaxy Xcover 2
سوني اكسبيريا ارك اس
سوني اكسبيريا ميرو
سوني اكسبيريا نيو إل
ويكو سينك فايف
Wiko Darknight ZT
وضع المستخدمين قدام الأمر الواقع
بوجهة نظر تانية، وخصوصًا في الأزمات الاقتصادية اللي بنمر بها حاليًا، ناس كتير مش في إمكانها تغير موبايلاتها للأحدث، وبكده هيضطروا ينعزلوا عن العالم، خصوصًا إن الواتساب مش تطبيق ينفع الناس تستغنى عنه، لإنه بيُستخدم حتى في الشغل، ومن ناحية تانية كمان، ناس كتير كبيرة في السن بتستخدمه علشان يتطمنوا على أهلهم وأولادهم، وبكده هتتقطع وسيلة التواصل الأسهل بالنسبة لهم، وهيتحول الموبايل لحديدة بتقول ألو فعلًا زي الإفيه المشهور.