في الوقت اللي ناس كتير بتتخلى عن حيواناتها الأليفة، أهل الرياض بيجمعوا تبرعات عشان ينقذوها
بسبب شائعات كتيرة انتشرت على السوشيال ميديا في الفترة الأخيرة، ناس كتيرة بتتخلى عن حيواناتها الأليفة عشان فاكرين إن الكلاب أو القطط ممكن ينقلوا فيروس الكورونا المستجد، دا أدى لزيادة أعداد الحيوانات في الشوارع في كل أنحاء الوطن العربيّ.
وزارة الصحة في المملكة العربية السعودية أصدرت بيان إن الحيوانات الأليفة مش بتنقل الفيروس عشان حاول تقلل من الظاهرة دي. محبي الحيوانات في السعودية قرروا يساعدوا في المجهود ده بإنهم يبدأوا جمع التبرعات عشان ينقذوا الحيوانات اللي فقدت بيوتها.
مبادرة “تعايش” لمساعدة الحيوانات الأليفة في الرياض بدأت تلم تبرعات من محبي الحيوانات أو تبيع حاجات أونلاين عشان توفر فلوس كفاية عشان تحمي حيوانات الشوارع وتوفرلهم بيوت وتتكلف بالفواتير بتاعت الدكاترة البيطريين.
مجهود المجموعة دي ومجموعات مشابهة كتير ساهم في انقاذ عشرات من الكلاب والقطط اللي لا حول ليهم ولا قوة. كتير من الحيوانات دي بيكونوا من ذوي الإعاقة اللي بيكونوا في الشوارع خايفين وجعانين.
الخبراء في العالم كله حاليًا بيحاولوا طمأنة الناس والتأكيد على معلومة إن المرض -وبغض النظر عن إمكانية انتشاره بين الحيوانات الأليفة- إلا إن الحيوانات دي مابتنقلش العدوى للإنسان. وفقًا لمقابلة مع شبكة الأخبار العالمية سي إن إن، بيوضح دكتور ويليام شافنر -أستاذ الطب الوقائي والأمراض المعدية بكلية الطب جامعة فاندربيلت الأمريكية في مدينة ناشفيل- إن كل المعطيات اللي في إيدينا حاليًا بتأكد عدم انتشار الفيروس بين الحيوانات سواء الأليفة أو حيوانات المزرعة.