فيفي عبده الممثلة المصرية، والراقصة الشرقية، حبيبة الملايين اللي معظمنا بيتابع حساباتها الشخصية على كل وسائل التواصل الاجتماعي زي الفيسبوك، والإنستجرام اللي عندها عليه أكتر من 7 مليون متابع.
حضرت فيفي لجمهورها مؤخرًا أحلى مفاجأة، وأعلنت عنها في بث مباشر على الإنستجرام قالت فيه إنها عملت ألبوم صغير جديد مكون من 3 أغاني مليانين بالفرح، والسعادة، والأمل عشان نفك شوية في الأيام الوحشة اللي احنا عايشينها، وده أول ألبوم تعمله من سنة 2016 اللي صدرت فيها أغنيتها “أنا حرة”.
وقالت فيفي في الفيديو إنها بتخطط لعمل حفلة في الساحل الشمالي علشان تحتفل بالألبوم الجديد مع جمهورها، بس هي وفريقها لسة بيراجعوا الدواعي، والإجراءات الإحترازية عشان فيروس الكورونا والظروف الصحية.
فيفي عبده مشهورة دايمًا بخفة دمها، وروحها الخفيفة، وحبها للحياة ببال رايق ومزاج عالي، ودايمًا بتطلب من مُنتقديها إنهم يسيبوها تعيش حياتها براحتها، وإنها كدة مبسوطة.
واشتركت فيفي في بطولة أفلام، ومسلسلات، ومسرحيات، وبرامج كتيرة جدًا، ومن أبرز أعمالها اللي كلنا فاكرينها، الحقيقة والسراب، والست أصيلة، وسوق الخضار، وامرأة وخمس رجال، وحزمني يا.
