النجوم الساطعة دايمًا بنشوفهم في أوائل مسيرتهم الفنية، ودايمًا بيكونوا لسه صغيرين في السن ومش بيكونوا معدين الـ 25 سنة، وبيتشهروا بسرعة والكل بيكون عارف أساميهم وأدوارهم، ولكن على عكس الفنانين دول، في نجوم تانية كتير لقوا شهرتهم بعد سن التلاتين، نجوم استحقوا الشهرة والمعرفة والحب، ومتابعتهم هما وأعمالهم أول بأول، ونتفرج على أعمالهم كتير، فتعالوا نشوف مين النجوم دول.
ماجد الكدواني
اتشهر الفنان ماجد الكدواني في أول الألفينات مع أفلامه “حرامية في كي جي تو”، و”حرامية في تايلاند”، و”جاي في السريع”، و”الرهينة”.
خالد الصاوي
بدأ الفنان خالد الصاوي في مشوار شهرته في التسعينات، وبعد كده ظهر في أدوار كبيرة ومؤثرة زيّ أفلام “عمارة يعقوبيان”، و”كباريه”، و”ظرف طارق”، و “الباشا تلميذ”.
بيومي فؤاد
من أبرز الفنانين اللي لقوا شهرتهم في سن متأخر، وبدأ الفنان بيومي فؤاد مسيرته الفنية في مسلسل “الكبير أوي” اللي ضحكنا كلنا فيه، وبعد كده شوفناه في أعمال كوميدية ودرامية كتير زيّ فيلم “حملة فريزر”، وفيلم “الحرب العالمية التالتة”، ومسلسل “خيانة عهد”.
ليلى عز العرب
بدأت الفنانة ليلى عز العرب مسيرة شهرتها في الألفينات، مع أعمال كتيرة وكبيرة زيّ فيلم “ألف مبروك”، وفيلم “يوم مالهوش لازمة”، ومسلسل “الكبير أوي”.
عارفة عبد الرسول
بدأت الفنانة عارفة عبد الرسول مسيرتها وطريق الشهرة في سن متأخر، بس عملت أدوار كبيرة ومؤثرة زيّ دروها في مسلسل “لا تطفئ الشمس”، ومسلسل “الوصية”، وفيلم “الديزل”.
سيد رجب
بدأ الفنان سيد رجب مسيرته في التسعينات بفيلم “أحلام صغيرة”، بس بعد كده بقى ليه دور مهم جدًا في أي عمل ناجح زيّ فيلم “ولاد رزق”، ومسلسل “أبو العروسة”.