من أكتر الأعراض اللي بيعاني منها مريض فيروس كورونا، حتى بعد التعافي، هي معاناة فقدان الشم والتذوق، واللي أوقات في حالات كتير بتستمر بعد التعافي بشهور، وفي بعض الحالات بيكون صعب استعادتهم، وكمان بتبقى حاجة مزعجة للشخص اللي أصيب بالفيروس وتعافى منه لكنه للأسف لسه بيعاني منها، وبعد انتشار العرض ده وانتشار شكاوي من صعوبة استعادة الشم والتذوق، انتشرت بعض الحلول الطبيعية والطرق بتساعد على رجوع حاسة الشم وحاسة التذوق بشكل أحسن، من غير استخدام أدوية أو مركبات كيميائية، تعالوا نشوف إيه هي.
الليمون
الليمون بيساعد بفعالية كبيرة في تعزيز حاسة الشم والتذوق وده عن طريق النكهات القوية اللي موجودة في الليمون، وبتساعد على تنشيط المستقبلات الخاصة بالحواس المفقودة، وبطريقة سهل استخدامها، هتجيب لمونة وتقسمها نصين، وتستنشقها لمدة دقائق كل يوم، كمان ممكن تعمل عصير ليمون وتضيفله عسل، هيفيد بشكل كبير وده لأهمية المشروبات في الفترة دي.
الثوم
الثوم بطبيعته بيحتوي على خصائص مضادة للميكروبات، بتساعد في تخفيف احتقان الممرات الأنفية واستعادة حاسة الشم والتذوق، كمان حمض الريسينوليك الموجود في الثوم له خصائص مضادة للالتهابات وبتساعد في تخفيف مشاكل التنفس بسبب الانسداد عن طريق إنها تقلل الالتهاب، والطريقة: هتجيب 3 فصوص ثوم وتغليهم في مياه، وتشربها مرتين يوميًا.
الجنزبيل
الخصائص المضادة للفيروسات الموجودة في الجنزبيل، مضادة للفيروسات المسببة للأنفلونزا، المركبات النشطة دي بتساعد في علاج الحالات المرتبطة بفقدان الشم والتذوق، ولمفعول أحسن، امضع قطعة صغيرة من الجنزبيل، أو اشرب شاي الجنزبيل المغلي.
البخار
العلاج بالبخار معروف من زمان إنه بيساعد على تقليل الالتهاب والاحتقان في ممر الأنف، وبيساعد في إعادة حاسة الشم والتذوق، هتحتاج تغلي مياه، وهتغطي رأسك بقطعة قماش سميكة وتسيب البخار يدخل أنفك، لمدة ربع ساعة، مرتين يوميًا.
زيت الخروع
بالخصائص المضادة للأكسدة الموجودة فيه، وكمان مضادة للالتهابات والميكروبات، بيساعد في استعادة الشم والتذوق بشكل فعال، هتحط نقطة واحدة من زيت الخروع في كل فتحة من الأنف مرة الصبح ومرة قبل النوم، هتساعد في تنظيف ممرات الأنف واستعادة حاسة الشم.