#سكوب_أمل: بعد انتشار صورته.. الطفل يوسف مصطفى في أكاديمية مصر المقاصة

بعد انتشار صورة الطفل يوسف مصطفى اللي عنده 10 سنين وهو بيتفرج وبيقلد تمارين كرة القدم برا سور نادي في مدينة الشروق، وبعد ما تفاعل الناس على مواقع السوشيال ميديا مع الطفل واهتموا بالموقف، قرر نادي المقاصة برئاسة أحمد عبد الخالق رئيس لجنة الكرة ورئيس مجلس إدارة الشركة الراعية للنادي ضم الطفل يوسف لفرق أكاديميات البراعم بالنادي.

عن: filgoal

وقال سيد متولي المدير الرياضي ومدير التعاقدات بنادي المقاصة إن المهندس أحمد عبد الخالق قرر يصرف منحة شاملة ليوسف مصطفى، وتوفير كل المستلزمات الرياضية اللي هيحتاجها، وده هيكون من ضمن مشروع الألف محترف اللي نادي المقاصة بيتبناه.

وقال يوسف إنه سعيد جدًا بإنه انضم لصفوف فرق أكاديميات البراعم بنادي المقاصة، وإنه كان يقيم مع أحد أقاربه بمدينة الشروق، وشاف تدريبات الأطفال داخل النادي، ولكن عشقه لكرة القدم هو اللي خلاه يدخل، ولكن منعه رجل الأمن لإن الدخول بفلوس، بس ده مخلهوش يمشي ووقف جنب سور النادي وحاول يقلد التدريبات، وكمان كشف عن حبه للنجم محمد صلاح نجم فريق ليفربول، وعشقه وتشجيعه للنادي الأهلي ومحمود عبد المنعم “كهربا”.

النادي كمان أعلن إنه هيتم تقديم 10 منح مجانية للمواهب من العائلات الغير مقتدرة ماديًا، وده تبع الدوري المجتمعي للمقاصة.

آخر كلمة: ماتفوتوش قراءة: #سكوب_أمل: تكية الخير.. من تقديم وجبات مختلفة للفقراء، للمساعدة في توفير فرص شغل للستات في الطبخ

تعليقات
Loading...