كل مؤسسة وشركة بتحرص بجانب خدماتها ومنتجاتها اللي بتقدمها للناس، إنها تحقق جزء من مسئوليتها المجتمعية تجاه المجتمع اللي هي فيه، وده اللي عملته شركة عافية العالمية ومؤسسة مجدي يعقوب للقلب.
أعلنت شركة عافية تعاونها مع مؤسسة مجدي يعقوب للقلب بإنهم اتبرعوا بمليون جنية مصري لإنشاء غرفة طبية متكاملة باسم “عافية” في مركز المؤسسة الجديد في القاهرة، علشان يساهموا في علاج حالات أكتر و يقللوا قوائم الانتظار.
وفي سبيل دعم دور مؤسسة مجدي يعقوب لأمراض وأبحاث القلب قررت شركة عافية العالمية إنها شعار مؤسسة مجدي يعقوب للقلب على أزايز زيت عافية، لتشجيع المستهلكين على التبرع للمؤسسة من خلال الاتصال على رقم 19731.
و علشان يحققوا انتشار وتأثير أكبر لحملة الحفاظ على صحة القلب، انتجوا أغنية “عيشها بعافية” من غناء النجمة اللبنانية نانسي عجرم، ونجم الراب مروان بابلو، وتلحين وتوزيع حسن الشافعي.
عن مؤسسة مجدي يعقوب
تم إنشائها في 2008 على إيد الدكتور الجراح مجدي يعقوب، هدفها الأول هو علاج أمراض القلب والأوعية الدموية بالمجان خصوصًا للأطفال، بجانب تدريب كوادر علمية وطبية وتمريضية على أعلى مستوى، ده غير إنهم شغالين على تطوير الأبحاث في مجال العلوم الأساسية والتطبيقية علشان يحصل دمج في العلاج مع البحث. ودلوقتي المؤسسة بتنقسم لمركز أسوان للقلب ومركز مجدي يعقوب العالمي في القاهرة.
عن شركة عافية العالمية
بدايتها كانت في السعودية سنة 1982، كأول زيت ذرة يتم تصنيعه محليًا، و بسبب جودة المنتج العالية قدروا على اكتساب ثقة المستهلك، وإنهم ياخدوا الحصة التسويقية الأكبر في سوق الزيت في السعودية. وفي 1995، تم طرح زيت عافية ذرة في السوق المصري، وكان هدف الشركة من الأول هو طرح منتج عالي الجودة فيه فوائد صحية، ومنها تعزيز صحة القلب عند المستهلك.
وفي الإطار ده، الشركة عملت حملات تسويقية هدفها التوعية بالصحة وأهمية زيت الذرة في خفض معدلات الكوليسترول، واللي بالتالي بتأثر إيجابيًا على صحة القلب، وده اللي خلى عافية تاخد شعار “راعي قلوب المصريين”.
الشركة كانت حريصة دايمًا إنها تطور في منتجاتها طول الوقت، فطرحت مجموعة من الزيوت الصحية بتساعد على تعزيز صحة و مناعة المستهلك.
في 2021، طرحت الشركة زيت عافية بلس الغني بأوميجا 3 و6 و9؛ و بالتالي بيوفر فوايد كتير للمستهلكين، زيّ دعم صحة القلب، وتعزيز القدرة على التركيز، ومحاربة الاكتئاب والقلق، وخفض ضغط الدم ومستوى الكوليسترول.
طبيعي من شركة عالمية زيّ عافية من أول ما جات مصر ورافعة شعار “راعي قلوب المصريين” إنها تشارك في تعاون زيّ ده، تعاون بيدعم رسالتها وهدفها من البداية.