بعد التريند مع ويجز: مين المغنيين اللي عايزينهم يغنوا مع روبي في ألبومها الجديد؟

كلنا اتفرجنا على فيديو ويجز وروبي، وهما بيغنوا أغنية باظت خالص، اللي بقت تريند على السوشيال ميديا لأسباب مختلفة، بس أكيد من ضمن الأسباب إن الناس كانت مستمتعة بغناء روبي للأغنية.. وبالمناسبة دي، نحب نقولكم إن روبي بتستعد حاليًا لتحضير “ميني ألبوم” بيتكون من 6 أغاني، والمفروض هينزل وقت الاحتفال بعيد الحب اللي جاي.. الألبوم هيكون من إنتاج وليد منصور، وهتتعاون فيه روبي مع مجموعة من كبار المؤلفين والملحنيين منهم أيمن بهجت قمر وتوما وبلال سرور ورامي سمير.. بس بعد ما سمعنا الخبر ده، ماقدرناش نمنع نفسنا من إننا نفكر في المغنيين اللي نفسنا يشتركوا مع روبي في غناء بعض الأغاني.. فيا ترى مين اللي الجمهور هيحب يشوفهم في “دويتو” مع روبي في ألبومها الجديد؟

ويجز

Wegz experimental wordmark logo on Behance
عن: Behance

منطقي صح؟ بعد ما شوفنا الكيميا العالية بين ويجز وروبي على المسرح وهما بيغنوا مع إسعاد يونس، بقى الجمهور عايز إنه يسمع أكتر من أغانيهم مع بعض، وإنهم ينزلوا أغنية بتاعتهم هما الاتنين.

عسيلي

الأغاني الفرفوشة والروح الحلوة اللي بيضيفها صوت عسيلي في أغانيه، أكيد هتضاعف لما يجتمع معاها صوت روبي وخفة دمها.. ولا إيه رأيكوا؟

أحمد الفيشاوي

ممكن تحسوا إنه اختيار غريب، بس مع إن فيشاوي دخل ساحة الراب من فترة مش كبيرة، بس في إحساس كده إن الميكس ده هيطلعلنا حاجة مختلفة.

كارمن سليمان

تخيلوا الأغنية ممكن تبقى عاملة إزاي لما صوتين في منتهى الرقة زيّ أصوات كارمن وروبي، يبقوا مجتمعين مع بعض؟

محمد حماقي

لن تصدقوا كيف كان شكل محمد حماقي قبل 17 عاماً
عن: الفن

أغاني محمد حماقي لا يعلى عليها.. فلو اجتمع مع روبي في أغنية، هيقدروا يعملوا مزيج كده من النوع المميز، اللي هيضيف كتير للساحة الغنائية، لإنهم بموهبتهم هيطلعوا عمل مختلف الناس هتحبه.

هيفاء وهبي

هيبقى آخر دلع لو اشتركت روبي مع هيفاء في أغنية، وهتبقى الأغنية بجد فرفوشة وفيها طاقة إيجابية، مش كده ولا إيه؟

عمرو مصطفى

عن: هى

ممكن تحسوا إنه اختيار ماتوقعتوش إن إحنا نقوله، بس مش عارفين ليه قادرين نشوف عمرو وروبي بيغنوا مع بعض أغنية رومانسية.. مش الألبوم هينزل في عيد الحب؟ يبقى مفيش دويتو أحلى ولا أنسب من كده، ولا إيه رأيكم؟

شارموفرز

أغاني شارموفرز كفيلة إنها تغير موود أي حد في عدد الدقائق اللي بتشتغل فيها الأغنية! وبما إن روبي بتعرف كويس إزاى تغني في وسط مجموعة، زيّ ما شوفناها بتغني في إعلان مولتو مع ماجد الكدواني وأحمد مالك، فإحنا متأكدين إنها هتبدع لو غنت مع باند كبيرة زيّ شارموفرز.

تامر عاشور

استنوا بس خلونا نشرحلكم وجهة نظرنا.. إحنا أكيد بنحب روبي وهي منطلقة وبتغني أغاني سعيدة وإيجابية.. بس لو لازم يكون في أغنية برتم أهدى، أو حزينة شوية، فليه ماتعملش الدويتو ده مع تامر عاشور؟ تامر أغانيه بتكسّر الدنيا، حتى لو بنهزر ونقول إن بعض الأغاني بتبقى “كئيبة”، ولكن في الحقيقة إن كلمات الأغاني بتبقى صادقة وبتأثر في الجمهور، وأكيد لما يجتمع مع روبي، صوتها هيضيف شوية روح مرحة وسط كلمات الأغنية الحزينة.

مش حاسين إن روبي ورامي هيبقوا دويتو جميل مع بعض؟ متخيلين الأغنية هتبقى الموسيقى بتاعتها سعيدة، وبرتم سريع، وإن الأغنية هتكون عن الاحتفاليات والحفلات والروقان.. حاجة كده زيّ دقي يا مزيكا والناس الرايقة!

آخر كلمة: انتوا حابين تشوفها بتغني مع مين في الألبوم الجديد؟ شاركونا آراءكم في التعليقات.

تعليقات
Loading...