في نهاية 2020، شارموفرز قالولنا “عرفنا إنك حزينة بدور عليكي في المدينة”، في نهاية سنة حزينة فعلًا، قدروا يبسطونا بأغنية لذيذة ومزيكا مختلفة، ومود لذيذ على البحر، مع إن الأغنية مش مفرحة زيّ ما متعودين عليهم، لكن حتى لما شارموفرز بيتكلموا جد، بيخلونا برضه في مود لطيف بمزيكا ولوكيشن وألوان تبسط، وبيضيفوا طابعهم الخاص ليها، فتعالوا نشوف إزاي.
ودلوقتي بيشاركونا بكواليس تصوير الفيديو الخاص بأغنية “حزينة”، والتحضيرات ليها في الاستوديو والاجتماعات مع كل اللي ساهموا في إن الفيديو يخرج للنور، بمشاركة الفنان حسام الحسيني مخرج الكليب، ولقطات من التحضير للرقصات اللي كانت في الفيديو وهما بيتدربوا عليها.
والرقص والبهجة اللي عرفوا ينشروها في أماكن التصوير حتى مع الناس الموجودين هناك، والجو اللي دايمًا متعودين منهم إنهم يخلونا فيه بكل خفة، حتى لو كان المحتوى في الأغنية مش كلمات بهجة وفرح، شوفوا الفيديو والكواليس، ونوعدكم إن مزاجكم هيتغير للأحسن وهتحسوا إنكم سافرتوا على البحر وبترقصوا مع المزيكا وانتوا قاعدين في مكانكم.