مع نهاية سنة 2020، حبينا نبص بصة ورا عليها مع حبستنا في البيت بسبب جائحة “كوفيدـ19” اللي خليتنا محبوسين في بيوتنا وماسيبناش الانترنت في حاله، وقولنا نفتكر إيه أكتر الأغاني اللي الناس سمعوها ودوروا عليها في مصر والسعودية والإمارات، علشان تسليهم في الأيام الصعبة اللي كنا عايشينها.. فتعالوا نشوفهم مع بعض، ونشوف هل الذوق اتغير ولا لسه زيّ زمان؟
عود البطل
بنت الجيران
مهرجان هلا والله
عود البنات (تاني)
ودي هي هي نفس أغنية عود البطل ولكن لما بنيجي ندور عليها بندور بـ “عود البنات” لإنها أول كلمتين بيتقالوا في الأغنية.
شمس المجرة
وفي مصر، كان الأغاني الأكتر بحثًا على جوجل في حاجة بتجمعهم، وهي إن كلها مهرجانات أو أغاني شعبية، وده بيورينا إزاي الأذواق اختلفت عن زمان أيام لما كان الجمهور بيسمع أم كلثوم وعبد الحليم حافظ، وبيدوروا عليها، وكمان بيوضحلنا إن هي دي الأغاني اللي بتحسن مزاج الناس دلوقتي وبتدينا شعور الرفاهية وبتكسر الملل شوية.
هتان – ماجد المهندس
سيدة عمري – راشد الماجد
دامك معي – شمة حمدان
Life Goes On
حان الآن – أدهم نابلسي
أما في السعودية، هنلاقي إن التوب 5 على اليوتيوب، كان من ضمنهم 3 أغاني خليجية، وده يوضحلنا إن تقريبًا الذوق مختلفش عن زمان أوي، وإن الجمهور السعودي من زمان بيميل للأغاني الخليجية أكتر.
هتان – ماجد المهندس
Titliaan
Kaattu Payale
Life Goes On
في حدا – آدم
في الإمارات، هنلاقي إن في اختلاف شوية عن مصر والسعودية، يعني هنلاقي في تنوع في الذوق، ومن ضمن التوب 5 على اليوتيوب أغاني هندية، وعربية، وأجنبية.