الممثل إسلام إبراهيم أعلن عن استبعاده من تصوير مسلسل “المدينة” اللي بيتم تحضيره للدراما الرمضانية 2021، فقدم اعتذاره للجمهور، ووضح السبب إنه بسبب الشنب اللي مربيه لدوره في مسلسل “نجيب زاهي زركش” اللي كان المفروض فاضل عليه 10 مشاهد بس ويخلص تصويره.
مسلسل “المدينة” من بطولة دنيا سمير غانم وعمرو وهبة وشيماء سيف وأوتاكا ودلال عبد العزيز، ومسلسل “نجيب زاهي زركش” من بطولة الفنانين يحيى الفخراني وأنوشكا ورامز أمير وكريم عفيفي وإسلام إبراهيم ومحمد محمود وضيفة الشرف هالة فاخر، والمسلسل ده كمان هيتعرض في رمضان.
قراءة المزيد
وشوفنا إسلام إبراهيم في أعمال كتيرة، زيّ مسلسل بـ 100 وش، والوصية، وريح المدام، وبرنامج SNL بالعربي، وهو ممثل موهوب جدًا وبيتمتع بحس فكاهي جميل، وتمثيله تلقائي ومش مزيف.