بتعاني من قلة التركيز وضعف الذاكرة: دي بعض النصائح اللي هتساعدك تقوي ذاكرتك

الذاكرة شيء بيختلف من شخص للتاني وكمان من ظرف للتاني. ففي بعض الناس بتكون عامة أقوى من ناس تانية. وفي ذكريات بتكون قوية وبتفضل في الذاكرة طول العمر بسبب تأثيرها المباشر بشكل عام على الإنسان سواء بالإيجاب أو بالسلب. ولكن بشكل عام، في بعض الناس اللي ممكن يكونوا أصحاء وصغيرين في السن، لكنهم بيشتكوا من قلة قدرتهم على التركيز أو تذكر بعض الحاجات.

علشان كده، دي بعض النصائح والطرق الطبيعية اللي هتساعدك تكون حاضر ذهنيًا بشكل أكبر وتقوي من قوة ذاكرتك.

تقليل تناول السكر

عن: greatist

احنا عارفين إنه خبر وحش، ولكن وفقًا لمقالة بـ healthline، ففي ارتباط بين تناول السكريات الكتير ووجود مشكلات صحية وأمراض مزمنة كتير، بما فيهم تدهور الذاكرة. فأظهرت الأبحاث إن النظام الغذائي الغني بالسكر ممكن يؤدي لضعف الذاكرة وتقليل حجم المخ ، خاصة في منطقة الدماغ اللي بتخزن الذاكرة قصيرة المدى. ودراسة تانية أكدت إن تناول كميات أكبر من المشروبات السكرية زيّ الصودا، بيكون عندهم أحجام إجمالية أقل للدماغ وذكريات أقل في المتوسط ​​مقارنة بالأشخاص اللي بيتناولوا كميات أقل من السكر.

ممارسة التأمل

ممارسة التأمل ممكن يؤثر بشكل إيجابي على صحتك بطرق مختلفة. فالتأمل مهدئ ومريح للأعصاب، ووجدت بعض الأبحاث إنه بيقلل من التوتر والألم وبيخفض ضغط الدم وكمان بيحسن الذاكرة.

خلق صداقات

دي حاجة هتساعدك بشكل غير مباشر وهنقولك ازاي. العُزلة ممكن تخلق حالة من الاكتئاب وفرط التفكير، واللي ممكن يتسببوا في فقدان الذاكرة. وعلشان كده مهم دايمًا إنك تـ socialize وتقضي وقت مع الناس اللي بتحبها.

تناول السمك بشكل كبير

السمك من الأكلات اللي تم إثبات إنها ممكن تحسن الذاكرة وبالذات عند كبار السن، لإن مكملات الأسماك وزيت السمك مهمة للصحة العامة وبتقلل من مخاطر الإصابة بأمراض القلب والالتهاب والتوتر والقلق، وبتبطئ تدهور الذاكرة والقدرات العقلية. وبكده هتكون بتاكل أكل صحي وبتقوي ذاكرتك.

خليك مُنظم

عن: PC Mag

دي برضه من الحاجات اللي مش هيكون ليها تأثير مباشر على تقوية الذاكرة، ولكنها هتساعدك تكون مش مشتت وأقل عرضة إنك تنسى بسرعة. قوم بتدوين المهام والمواعيد والأحداث المهمة في دفتر ملاحظات، وممكن كمان تكرر كل الحاجات اللي بتكتبها بصوت عالي أثناء كتابتها علشان تساعدك في ترسيخها في ذاكرتك.

آخر كلمة: ماتفوتوش قراءة: “بتذاكر في رمضان؟ دي طرق هتساعدك تركز في المذاكرة” …

تعليقات
Loading...