مفيش شك إن نيللي كريم نجمة من نجوم الصف الأول في عالم الفن سواء في السينما أو الأعمال الدرامية، ولكن مفيش شك كمان إنها راقصة باليه محترفة وإن إحنا بنحب من وقت للتاني نرجع نشوفها كراقصة باليه من خلال بعض أدوارها الفنية زيّ ما شوفناها كباليرينا في مسلسل “لأعلى سعر”، أو نشوفها من خلال جلسات تصوير زيّ اللي هنشوفها مع بعض دلوقتي..
من ساعات قليلة نشرت نيللي كريم صور خاصة بجلسة تصوير جديدة بعدسة المصور المصري خالد فضة، شوفناها فيهم وهي بتعمل بعض حركات الباليه وهي لابسة فستان فضفاض وحواليها نيران، وحسستنا بطابع edgy ومختلف لشكل جلسة التصوير.. من أول الميك آب وستايل اللبس لحد إخراج جلسة التصوير والإضاءة، خلى الكل يعجب جدًا بالصور ويتداولها على مواقع السوشيال ميديا.
قراءة المزيد
